除夕元旦觀瀾湖之旅 - Day 2

Day2

酒店早餐供應到10:30, 所以我哋瞓到好晏先去食早餐~

東莞酒店哩邊感覺好少人, 好清幽~ 好多地方俾小朋友跑~

食完早餐又去活動中心搵野玩~

一入去就係兒童遊戲室~ 有迷你波波池, 滑梯, 彈床, 積木玩具~ 酒店房package包咗1日無限次進出~

同場有得換衫扮野~ 不過我見啲衫有啲舊, 怕污糟, 所以唔玩lu~

有個哥哥話果度係佢的地盤, 不準寶品進入, 而寶品又好想入去玩喎~ 為免打交, 我都係拉開個囝, 勸佢玩其他野唔好爭~ 然後寶品用唔純正的普通話指住哥哥講 : 禾bu通lee還~ (佢想講: 我不同你玩)
我笑咗出嚟.....笑完又教番佢, 人哋唔想一齊玩就唔好免強別人, 自己揀其他野玩~ 霸住係唔啱, 唔好學佢~

但過咗一陣, 哥哥行開咗, 寶品就即刻zip入去玩! 可能真係越唔比玩, 就越想入去玩~
 哥哥唔想, 但因為我在場, 哥哥又唔敢趕寶品走~
有時都唔想囝覺得我係怕事媽媽, 但身在內地, 我真係幾驚啲內地家長ga 講真~ 硬係覺得好多唔講道理又死撐的人, 少少事就動粗~ 你同佢講道理就如對牛彈琴, 所以我會選擇避佢哋減少吩爭~

 

 玩完洗個手, 我哋就去附近生態公園睇小動物~ 湖邊風景都幾靚幾舒服~ 可以釣魚的~

豬場唔見有豬~ 行上啲見到有rabbits, parrots, 龜, 山羊......

寶品最鐘意rabbits, 可惜啲籠用網遮住哂, 唔俾餵食!

唯有餵吓山羊~ 我哋自己帶咗啲菜嚟~ 但係山羊唔鐘意食, 食少少就唔要~

再逛埋沿路上的有機植物園~

有機菜田~

1點鐘有shuttle bus 去深圳的觀瀾新城~ 坐一陣等上車~

around 25mins就到咗深圳商場~

全個商場有好多哩隻卡通既野~ 係2位表哥近期大愛的卡通~ 我哋就唔識喇~ ^^"

商場裡有一個激大波波池! 真係睇見都開心!! 仲有沙池玩沙~
不過鄧生都擔心污糟, 怕有手足口之類, 所以唔俾小朋友玩~

商場內都係收費的play house玩~

但我哋當日的主打活動, 係碌ling~~~
酒店package包1小時保齡球ga~ 所以專程嚟玩~
我哋加咗少少錢轉VIP房同埋租鞋~

 

嚟到先知道, 原來有專for小朋友的滑梯協助佢哋碌ling~ 哈哈, 好方便呀! 又唔驚佢哋整傷手~ 啲波對佢哋嚟講都係太重嘛~

仲有小朋友的賽道係永不落坑的! 2邊升高頂住, 保證佢哋個波一定碌到尾!

3個小朋友玩得超開心~ 對佢哋嚟講係好新鮮的體驗~ 來來回回搬咗唔知幾多次波~
寶品玩完之後, 連續幾日都問我幾時可以再玩保齡球~ 可惜hk好似無哩啲滑梯俾小朋友碌ling....唔通次次玩都要帶佢返深圳?

當日同阿囝一齊著母子裝~ 其實我仲係好享受同啲囝囡著親子裝~ ^^"

 小朋友們都比賽, 鬥高分~

玩玩吓, 中場突然息哂燈變夜光喎~ 閃吓閃吓幾過癮~

玩完保齡就去行街食lunch喇~

3個小子每人一件玩具, 即刻話題多咗好多~

食韓燒~

商場出面有小火車坐~ 好似每位20蚊~ 寶品咁鐘意火車, 梗係要坐la~ 坐咗一個圈~

 

電動機械人體驗~ 

不過當時下午, 寶品已經超眼瞓, 無哂笑容喇~

 

本來諗住去行埋深圳的生態園, 因為大好多~
可惜去到已經唔俾入場, 就快黃昏要關門 ~

 

又去返商場行超市~　間超市好大，都幾多野買～

貓山皇變野山貓？？　本來想買２個返酒店食, 但超市話唔包開榴櫣, 所以放棄~

3隻小子攰到呢......其實大人都好攰, 莫講話小朋友~
所以我成日覺得一連去幾日旅行係好辛苦的事~

因為大家都病病哋, 又太攰了, 所以除夕晚餐, 我哋選擇留在酒店房叫room service~
點咗5樣野都食唔哂~

飯後一齊玩emoji uno~ 2位表哥第1次玩uno, 覺得好好玩~

輸咗要罰表演一樣野俾大家睇~ 

寶品好喜歡哩啲有玻璃的浴室, 可以邊沖涼邊望出去睇電視~