除夕元旦觀瀾湖之旅 - Day 1

因為阿囝鐘意去玩去住酒店, 而我哋又無可能成日飛~ 要錢要請假要體力要安排, 所以搭飛機的旅行我哋覺得一年有2次都夠哂~ 平時我會鐘意book 啲2日1夜trip俾囝住吓酒店過吓癮就算~

見有舊同學話1年陪囡囡去4次觀瀾湖玩! 佢話佢囡囡好鐘意~ 真心想試吓到底有咩野玩~ 於是就夾埋我細妹, 2個family一齊去玩番3日2夜~ 上觀瀾湖官網訂package, 3日2夜family package 大概2千8蚊人仔(每間房), 聖誕除夕都好似無加價~

30Dec2017

1門3傑第1次搭黃色巴士去皇崗關口過關~

出咗皇崗關口, 會有觀瀾湖shuttle bus接駁返酒店(要預先book 定)~ 我哋啲時間只係預到啱啱好, 好驚shuttle bus唔等我哋, 所以帶住佢哋跑跑跑~

shuttle bus有啲舊~ 可能搭慣咗澳門酒店的shuttle bus, 又大又新又有wifi....哩啲16座真係有點舊又好"櫈", 而且無乜位俾客人擺放行李喼, 只得車頭少少位~ 

check in都算快同埋順利, 有梳化俾大人小朋友坐住等check in, 哩點係good 既~ (可能咁啱果時少人)

我哋今次住東莞的觀瀾湖酒店, 房間好大好闊落而且目測整個環境都好乾淨企理~

每間房都會有個大露台~ 加咗$100/晚住湖景房~ 感覺好寧靜好舒服~

可以想像到, 3隻囝走埋一齊係幾咁活躍好動~ 喪跑一餐都過癮~ 寶品全個trip都係咁黐實大表哥, 有同輩一齊玩, 佢真係雙倍開心~

有段路有好多明星掌印~

姚明的巨掌印~

好多人都以為觀瀾湖只係打golf, 無其他野做~ 原來都有幾多野安排比小朋友玩~ 夏天嚟仲可以游埋水~

有啲肚餓, 去食少少下午茶醫吓肚先~ 酒店內的餐廳唔算多, 不過有免費shuttle bus可以去深圳商場的, 深圳果邊就好多野食選擇~ 我哋在東莞酒店中菜餐廳食啲點心, 就忙住去玩喇~

第1個參與項目係親子cooking class~ 在場的大部份都係HK家庭~

當日整忌簾泡芙~ 先睇示範~ 然後自己拎材料回坐位整~

佢哋最開心係唧麵團哩part~

完成後即時試味~

 佢哋幾隻囝好想玩哩啲波波,可惜唔夠高玩~ 原來啲波好重ga~ 佢哋一定未夠力著住個巨波四圍跑~

行去活動中心搵野玩~

影吓相, 打吓機 ~ 打機唔算多機款揀~ 得射槍, 賽車, 籃球機~

之後到外面玩跳彈床~

好快就天黑, 夠鐘食自助餐~ family package係包2日早餐& 1餐自助晚餐的~

今次我哋咁啱係食誇年除夕自助餐~ 裡面佈置得好靚呀~

 

自助餐仲有現場大抽獎tim~ 可惜並無抽到我哋....

氣球都喪玩一餐~

餐廳裡有個兒童角落俾小朋友玩~ 寶品對住啲國語小朋友, 自己自動轉用唔咸唔淡的普通話同人哋講野....好好笑~^^"

仲有得一齊整沙畫~

完成後俾姨丈評分~

 
眨吓眼就食吓玩吓3個鐘~ 哩度無超市, 夜晚又無乜特別節目, 所以10點幾就各自返房休息lu~ 好彩電視都有得睇TVB, 又買咗電話卡可以keep住上網~ 都唔係太悶既~