文大小姐: 4月 2018

依加HK本地的酒店, 好多都會在長假期攪小朋友活動, 吸引港人入住~ 自從上年試過黃金海岸酒店的復活節package後, 覺得特別節日都幾多野玩, 所以今年又想再去住2日1夜~ 可惜遲咗book, full哂.... 之後考慮住迪士尼or去長隆....最後揀咗長隆~ 因為價錢唔算貴, 而且酒店係新落成, 新淨d住得安心d~

在官網訂咗2人房連動物園入場門票, 都只係around千五蚊人仔, 抵玩~ 阿囝張入場劵另買, 再加錢一家享用酒店早餐buffet~ 建議都係留在酒店食早餐比較方便, 而且早餐都唔太差, 又有超大電視播卡通俾小朋友坐低聽故事, 可惜我唔得閒影低, 到我得閒時, 都已經夠鐘收咗檔了~

去到見到熊貓酒店又長又闊, 就咁睇已經覺得有好多間房~ 四圍都好多熊貓佈置, 走親子路線~

我哋包咗架7人車在深圳灣上廣州~ 600蚊人仔(單程), 都坐得好舒服~ 但塞車, 車程用咗2.5hrs ~

本來話要3點check in, 但早去到照俾我哋拎房~
我哋揀咗帥帥房~ (3隻主角熊貓唔同名字, 唔同主題佈置)

成間房都係panda, 小朋友梗係覺得好繽紛又得意~ 不過房間唔算好大, 只係standard size~

有熊貓卡通睇, 寶品非常滿意, 一個人霸哂部電視係咁睇~

好鐘意佢哩套溂口杯連杯架呀! 可惜唔見啲shop有得買~ 不然買番一套回家用~^^

連毛巾都有熊貓公仔~ 可惜今次我哋住的房壞冷氣, 唔夠涼, 整咗2次先攪掂~ 其他野整體嚟講都唔錯的~

午飯時間, 搵野醫肚~ 酒店內有個類似food court 的地方, 我哋叫咗啲點心同埋粉麵, 食物普通之餘, 仲要幾貴吓~ 4百幾人仔只係叫咗2籠包同埋幾碗唔好食的魚蛋粉~

shopping 時間~ 揀啲野返去俾妹妹玩~

晚上決定唔留在酒店食飯, 出去搵野食~

搭士的去朋友食過話好食的粥底海鮮鍋~ 都幾好食~

自己揀海鮮~

飲飽食醉後就返酒店休息~ 爽呀~

寶品一連10天的復活節假期終於完結! 雖然無搭飛機去旅行, 不過日日都有節目, 最尾幾日又要不斷上堂補堂, 所以真係攰到我得番半條老命! 小朋友玩得耐都有得補眠, 但大人就真係無得抖~ 佢回家瞓覺時, 我仲要返公司繼續返工=.="......加上假期前公司多野攪, OT咗幾晚, 每日奔波勞碌, 真係好很攰! 不過又想個仔開心, 所以今個假期安排咗掘蛋、長隆之旅同埋Ocean Park探索課程俾佢~ 其餘時間一係跟住公公婆婆去街, 一係就跟番平日schedule去學野上堂, 所以真係過得非常充實, 佢都玩得好開心~

今個Easter holidays真係非常好天, day1我哋去咗馬灣玩掘蛋~ ($100/person, 大小同價, 3歲以下免費) 雖然妹妹免費, 不過咁曬又長時間的戶外活動, 佢都未識enjoy, 所以又無佢份~

今年網上有家長post出愉景灣掘蛋比賽如同戰場一樣, 沙塵滾滾, 又指好多家長掉低啲仔囡唔理, 為禮物去到好盡..... 其實我哋上年都參加過愉景灣掘蛋比賽3-4歲組, 依加睇番啲相, 只係短短1年, 寶品個樣已經長大咗好多, 上年仲好baby face~

上年的情況都係多人, 不過就無網上講得咁誇張~ 然而我覺得好快玩完、要爭、又無乜禮物拎走....所以我今年已經無打算再玩lu~

聽朋友講話馬灣掘蛋無咁多人, 所以今年就試吓馬灣la~
親身體驗過後, 我覺得馬灣真係無咁大競爭, 雖然我哋1隻蛋都掘唔到, 但入場已經送咗勁多糖果俾參賽者, 仲有飲品tim~ 眼見好多人拎到海量的糖果(裝到1大個紙皮箱都有!), 真係皆大歡喜~ 感覺好過愉景灣呀~

馬灣的沙灘好細, 好彩每個時段掘蛋的人數都未至於太多, 又無見人有搶蛋的情況~