復活節去掘蛋~

寶品一連10天的復活節假期終於完結! 雖然無搭飛機去旅行, 不過日日都有節目, 最尾幾日又要不斷上堂補堂, 所以真係攰到我得番半條老命! 小朋友玩得耐都有得補眠, 但大人就真係無得抖~ 佢回家瞓覺時, 我仲要返公司繼續返工=.="......加上假期前公司多野攪, OT咗幾晚, 每日奔波勞碌, 真係好很攰! 不過又想個仔開心, 所以今個假期安排咗掘蛋、長隆之旅同埋Ocean Park探索課程俾佢~ 其餘時間一係跟住公公婆婆去街, 一係就跟番平日schedule去學野上堂, 所以真係過得非常充實, 佢都玩得好開心~

今個Easter holidays真係非常好天, day1我哋去咗馬灣玩掘蛋~ ($100/person, 大小同價, 3歲以下免費) 雖然妹妹免費, 不過咁曬又長時間的戶外活動, 佢都未識enjoy, 所以又無佢份~

今年網上有家長post出愉景灣掘蛋比賽如同戰場一樣, 沙塵滾滾, 又指好多家長掉低啲仔囡唔理, 為禮物去到好盡..... 其實我哋上年都參加過愉景灣掘蛋比賽3-4歲組, 依加睇番啲相, 只係短短1年, 寶品個樣已經長大咗好多, 上年仲好baby face~

上年的情況都係多人, 不過就無網上講得咁誇張~ 然而我覺得好快玩完、要爭、又無乜禮物拎走....所以我今年已經無打算再玩lu~

聽朋友講話馬灣掘蛋無咁多人, 所以今年就試吓馬灣la~
親身體驗過後, 我覺得馬灣真係無咁大競爭, 雖然我哋1隻蛋都掘唔到, 但入場已經送咗勁多糖果俾參賽者, 仲有飲品tim~ 眼見好多人拎到海量的糖果(裝到1大個紙皮箱都有!), 真係皆大歡喜~ 感覺好過愉景灣呀~

馬灣的沙灘好細, 好彩每個時段掘蛋的人數都未至於太多, 又無見人有搶蛋的情況~


全個掘蛋area都鋪滿糖果~ 就算掘唔到蛋, 點都會執少少糖果~

我們的收穫~ 大部份都係入場送的禮物~ 其實已經食唔哂, 都送咗大部份俾朋友~ 唔想仔食太多糖果~

同行的朋友收穫豐富~

不過愉景灣就有彈床俾小朋友玩(持掘蛋手帶就任玩), 而馬灣啲免費攤位活動就感覺過於簡單~
交通上呢, 兩邊都無得喳車去, 我哋都係選擇call的士直入~ 留番啲體力去到玩同埋排隊, 真係乜都要排隊ga~ 少啲腳骨力都唔掂....

當日有畫面攤位~ 非常唔好彩哋, 幫寶品畫面的外藉人士係亂咁嚟, 好似唔識畫咁.....結果畫完之後勁後悔, 但又無洗面用品, 齋用濕紙巾又抹唔乾淨, 攪到成隻花面貓咁! >.< 

阿囝揀畫貓, 但結果畫到佢成個賊咁! 嗚.....T.T

掘完蛋, 小朋友們梗係要玩埋沙, 玩埋水先叫完滿~ 不過當日啲水勁冰凍, 真係唔敢俾佢濕身呀! 好易冷病~ 結果要我勁勞氣咁叫佢行番入嚟, 唔準走出去, N咁多次!

我發覺其實阿囝對掘蛋興趣唔算大, 只要有得玩沙玩水佢就最開心~ 所以出年都未必會再俾錢玩掘蛋lu~ 夏天帶佢哋多啲去沙灘好過~