練習畫畫

一直以嚟, 我都希望自己盡量唔強迫阿囝學一啲佢無興趣既野~ 游水除外~ 因為我覺得係求生能力, 而且男仔都真係要識游水! 其餘樂器、畫畫、其他運動佢都唔太鐘意, 所以無謂花時間迫佢做啲佢唔喜歡的事~ 揀啲佢鐘意的, 先有機會發揮所長嘛~

寶品自細就唔喜歡填色/畫畫, 做功課要填色的佢都係hea油, 又完全無意慾自己拎支筆嚟寫寫畫畫..... 而我一直都覺得無所謂, 畫畫唔叻都無乜問題吖? 字遲早都識寫ga la? 畫遲早都識畫ga la?直到上咗一連串的面試班....現實話比我哋知, 去考小學係經常都會要求小朋友畫畫! 每次阿仔的作品都同其他同學有強烈的對比! 佢真係明顯地被比下去.....畫得少野不突止, 仲欠缺創意, 有時仲畫到離哂題......就算老師鼓勵佢再畫多d, 佢都好似諗唔到點畫咁.....我諗一來佢無乜興趣, 二來平時真係太少畫畫, 所以唔識畫, 亦唔明白老師既要求~ 

如果到時面試真係衰在幅畫上, 真心覺得有啲唔抵! 所以唯有依加開始惡補la~ 不過我覺得就算依加報畫班, 都未必在短時間內睇到成果..... 而且畫班都有好多種, 有啲叫小朋友跟住畫, 有啲就俾小朋友自己發揮多d~ 跟住畫 = 俾個框框小朋友, 我擔心影響佢既創意思維, 所以多啲俾小朋友自己去諗去畫的畫班會好d~ (純粹個人意見) 暫時未有啱心水又啱時間上的班, 而且阿囝的時間表都已經好密, 學多樣野又會加重佢既負擔~ 所以我哋決定自己教佢畫就算喇~ 

依加開始盡量每星期要佢畫2-3次, 每次比1個topic佢叫佢任意畫, 遇到唔識畫的, 就問媽咪~ 雖然佢都唔係太積極, 又唔算好樂意畫....不過無辦法la! 面試要緊呀囝! 唔係要求佢畫得有幾靚, 只係想佢每次畫的畫都合乎纙輯, 貼題, 同埋豐富少少啫~ 希望會有進步啦~

我比個題目佢, 係交通工具~ 見佢話唔識畫, 俾埋本書佢做參考~ 最後佢畫咗一架巴士....有冇人睇得出係巴士呢? haha

我話佢畫得太少, 叫佢畫多d野, 佢就係咁易, 加咗盞交通燈.... 真係幾求其吓, 你話我點會唔擔心吖? 啲對手咁鬼強勁, 個個畫得有文有路又豐富>.<! 

在我指導吓就會畫得豐富少少~ 期望你會快啲識得將自己的所感所想, 用圖畫嚟表達~

之前仲係用張peppa 膠枱嚟做功課/玩card game~ 最近的起心肝, 換張靚靚木書枱俾佢~ 真係闊落咗又坐得舒服咗~ 其實買咗好耐, 應該早啲拎出嚟!

聖誕buffet 2017

仲未講完的聖誕篇~ 依加啲小朋友真係好幸福, 聖誕節大量節目+ party, 啲商場又多野玩, 真係唔擔心無野玩, 只擔心唔夠時間玩!! 難怪寶品話最鐘意聖誕節~ 

每年我哋都會去食1次聖誕buffet, 雖然係一定唔抵食, 不過聖誕食buffet係會佈置得份外繽紛, 而且特別有聖誕氣氛~ 所以都想每年大人細路開開心心食一餐去歡渡佳節~

以前我哋都係食24or25Dec, 但近幾年的經歷都唔太好, 一來好趕時間 (分時段, 每節只食2hrs) , 二來感覺好似要搶食咁! 帶住小朋友, 要照顧佢哋食野, 2hrs真係唔夠時間~

今年見黃金海岸酒店, boxing day食就唔分時段, 可以食3個幾鐘~ 啱哂! 可以慢慢食慢慢傾~

又嚟親子裝~ 其實妹妹都有份, 但我買大咗, 出年先著得....^^" 

至於daddy, 哩啲咁花lee 碌的pattern, 佢著1次就會收埋, 所以都係唔花錢買俾daddy著喇~

又因為我哋遲訂位, 要坐室外~ 為怕吹親妹妹, 所以今年係無帶妹妹去食buffet~ 出年啦!

差唔多黃昏嚟到, 先去商店玩吓啲小朋友遊戲先~

啲game全部都要俾around $30-$40玩~ 

大時大節, 開心無價~

寶品最鐘意玩波波池同埋彈床, 見到有得玩一定唔會錯過~ 一共玩咗2次!

玩泡泡~

騎馬仔~ 不過啲馬仔大多數都壞壞哋, 要好用力先行得到.....

玩到天黑~ 夠鐘就行番去酒店食buffet~

我個仔.... 每次去食buffet最關心係有冇朱古力噴泉....

糖全部都係糖~ 無眼睇~ 過時過節就尤得佢放縱吓啦~

今年開始, 我叫朋友們唔好送聖誕禮物俾寶品, 因為佢已經擁有太多玩具, 上年都仲有啲聖誕禮物仲未拆嚟玩~ 真係唔想朋友們再破費, 而且仲要傷腦筋諗送乜野做禮物~ 

所以今年的聖誕禮物數量少咗好多~ 不過就算只係得幾份, 佢都已經好開心~ 

妹妹聖誕look~ 今年妹妹只係跟我去咗2個party咋~ 希望出年大啲, 會乜都有佢份~

GAPSK - 中級

上年8月完成咗GAPSK 初級, 今年1月初就考中級試了~ 本來學習普通話的補習社想寶品再遲多2個月先考試, 驚佢未ready, 不過個人認為學習5個月, 都足夠應付中級試, 不想拖慢進度, 所以堅持要求1月考試, 最後寶品取得"卓越" 級別~ 唔駛補考, 真係鬆一口氣呀!

真心講, 花咗咁多錢同時間去上堂, 我當然會希望大家所付出的會見到成果~ 小朋友學到野有進步之餘, 仲希望有張靚cert去證明佢既能力~ 當然我哋係絶對無俾壓力小朋友, 唔敢多提, 只係叫佢要盡力答, 同埋一定要有禮貌~ 如果拎唔到A, 就下次再試過la~

經歷過幾次不同的考試, 寶品已經知道考A係最叻~ 感受到拎A係會得到老師同埋屋企人既讚賞, 所以佢都好期望自己拎到A ga~ 

講吓個普通話考試, 初級時我比較緊張, 都有間中幫佢練習~ 但去到中級, 因為我太忙的關係, 我交哂比老師.....直到考前2星期, 老師話佢放完聖誕假後好多野甩哂, 唔記得.....所以我就臨急抱佛腳, 即刻拎本書出嚟陪佢讀吓~

唔睇唔知, 原來朗讀句子果part, 一共有47句, exam會抽其中5句叫小朋友朗讀.....我覺得真係唔可以話好簡單....即係考埋普通話認字! 然而又發覺仔未完全掌握哂, 就開始有啲擔心喇! 其餘對答部份的範圍都不少, 至於聆聽部份我覺得係最容易~

臨急抱佛腳, 去觀瀾湖玩都玩得唔放心, 帶埋本書去, 在車上陪囝溫習~ 不過成個trip都只係溫咗一次.... 去玩實在太攰, 囝長期無乜電, 跟本都溫唔到書~

考試當日要一早去到何文田~ 寶品未去過何文田, 其實佢幾enjoy去其他地區考試, 只係父母唔enjoy~ ^^"

考完試, 都仲係早餐時段, 就陪囝去附近歎個早餐~ 今次順利過渡, 期望下次高級試都會取得好成績~ 真係要加油! 因為難度一定會加深, 真係要好好準備, 無得靠運氣~ 

問寶品鐘唔鐘意學普通話, 佢話: 唔鐘意~

但無奈現實係身於香港, 唔理你鐘唔鐘意, 學生都要學普通話~ 依加唔學, 遲吓都要學....

真心佩服阿囝, 無論我安排乜野比佢學, 佢鐘唔鐘意, 都會照學無扭計! 我估計佢唔算鐘意學野, 但又未至於抗拒~ 又或者, 佢已經習慣咗, 學野係佢生活的一部份~

有時都覺得, 要阿囝做繁忙兒童, 咁細個就要面對考試, 真係幾慘! 已經唔算係咩十八般武藝, 只係主力學中英數, 都排到啲時間表爆滿.....為既就係一個心儀學位! 我覺得好黐線, 但又唔敢乜都唔做唔去準備~ 入錯小學影響太深遠, 真係玩唔起! 唯有同自己講, no pain no gain~ 期望捱多一年就海闊天空!

其實阿囝好易tum, 有雪糕食已經好開心~ 

雖然每逢星期六都要連踩幾堂, 不過就造就咗我哋每逢星期六都陪佢飲茶食lunch (面試班隔離就係酒樓)~ 寶品最鐘意去飲茶食流沙包~ 加上去學野要搭西鐵港鐵, 囝都好樂意搭車去上堂~

幼稚園聖誕表演2017

寶品讀的幼稚園, 係好少安排表演or做show~ 每年就只有聖誕party先會有歌舞表演, 所以家長們真係唔會想錯過欣賞表演的機會~

上年K1仲細, 齋企住唱2首歌就落番嚟~

今年K2有唱歌跳舞~ 寶品跳舞有少少甩bit, 跳得麻麻哋~ 哈哈~ 唔知佢係咪在台上搵緊我(小朋友唔知家長坐邊度), 四圍望唔多專心~ 不過跳得唔好都唔緊要的, 邊有小朋友係十項全能乜都叻? 小朋友為今次表演都一定經過用心排練, 無論跳成點, 媽咪都一樣欣賞的~ 不過我就真係無感動到想喊的感覺, 因為跳jingle bell咁開心, 真係喊唔出喎~ ^^" 

假期前, 學校有一日食聖誕大餐~ 見到啲相片, 又有火雞又有美食, 感覺好開心~ 難怪寶品話最鐘意聖誕節~

表演完畢, 會在班房內開party~ 寶品好記得上年我去學校陪佢食野~ 可能真係每年只有1次哩啲機會, 所以小朋友印象都好深刻, 寶品好期待哩一日~

學校一向主張健康飲食, 上年party所有食物都係由學校廚房整的~ 不過我哋覺得同小朋友平時在學校食的食物一樣~ 欠缺色彩同埋新意~ 所以今年就改咗, 加入家長自己整食物~ 雖然唔算得上超級豐富, 但我覺得比上年已經好好多, 小朋友見到雞翼、啫喱糖、冬甩、雪人綿花糖... 真係會特別開心~ 係有少少唔健康, 但係過時過節無所謂la~ ^^" 

仲有意粉同埋聖誕蛋糕無影相~

其中一位同學仔媽媽好用心, 整咗好多甜品送俾全班同學, 真心佩服佢可以整到咁多野!! 如果我整野食叻啲就好la~ 我無乜野係拿手, 所以都唔好意思獻醜~

我係負責啲簡單野~ 腸仔 + 菠蘿腸仔~

其實當日要早起, 都係全靠姐姐幫手, 起勢咁煎腸仔~ 我就負責"吉"牙籤....^^" 

明年K3會係最後一年喇, 希望我仍然可以奉獻付出, 留多一點美好回憶俾小朋友~^^

除夕元旦觀瀾湖之旅 - Day 3

Day3

嚟到旅程最後一天~ 因為阿妹2公婆晚上要去聽千嬅演唱會, 所以唔想太晏返hk, 我哋玩到1點半就搭車走lu~

早上照舊食酒店早餐~

package 包1次免費沙畫, 反正小朋友都鐘意, 我哋又去活動室玩埋佢~ 其實仲有其他小手工可以玩的~

 完成!! 實在令我有少少衝動想淘啲沙畫在家玩~ 不過又真係會攪到四圍都係彩沙....有啲擔心自找麻煩, 都係再諗清楚d先!

package送10個遊戲代幣~ 又去打機用埋佢~

代幣仲可以用嚟扭蛋~ 不過啲扭蛋玩具唔吸引的~

跟住就到重頭節目, 玩mini golf~

有好多條不同的賽場比小朋友體驗golf~ 雖然佢哋都係亂打一通, 不過都覺得幾過癮~

天氣唔曬, 涼涼地, 個環境都好舒服呀~

 佢哋啲姿勢真係好肉酸吓~ 亂嚟~ 哈哈~

玩完mini golf我哋就返hk喇~ 坐返酒店shuttle bus去關口, 然後搭的士回家~ 計過時, 由出發到扺達家門, 都只係用咗1.5hrs, 真係幾快呢~ 分分鐘快過由元朗出將軍奧呀~

咁方便, 下次夏天得閒又嚟玩2日先~ 試吓游水~^^