英文書‧英文名

之前諗住暫停買英文書, 因為家裡己經買落好多兒童英文圖書.....不過最近見Blog友小嘉買的揭揭書好過癮又靚, 所以我又跟風去淘一套!

1套9本揭揭書,46蚊人仔一本,質量非常好~ 哩個價錢hk應該買唔到! 題材有趣,有好多都貼近生活~ 全英文~ 不過我估小朋友起碼要有2-3歲先識睇同埋enjoy揭揭揭~


我仲順便買一盒24色的crayon~ 才72蚊人仔~ 可水洗(哩點超重要!)、可加水變水彩, 仲話可以變粉彩.....


講吓寶品睇書既情況~ 暫時佢只得8個半月, 好難要求佢有長時間的專注力~ 不過佢對書本都唔抗拒, 心情好時可以坐定定聽我哋讀哂成本書~ 心情唔好.....一頁都唔聽, 扭計要走!

同埋暫時真係發聲書同埋摸摸書比較吸引到佢~ 我覺得佢係聽唔明書的內容的, 純粹係d聲吸引到佢係咁望本書~




至於中文書, 有時見特價都會買D, 唔覺唔覺家裡已經有好多中文書~ 會盡量忍手唔買咁多, 希望過幾年有時間可以帶寶品去吓圖書館借書仲好~



我好似仲未向大家提及過寶品的英文名~
寶品豬叫"Duncan"~ (音:燈勤) 意思係"黑暗中的領袖"~ 我覺得幾有型呀~^^

佢未出世我已經揀咗哩個名, 不過就無放落出世紙~ 他日佢長大後有自己思想, 真係想轉英文名都簡單d嘛~ 依加報playgroup都會叫小朋友英文名, 遲d返學英文堂亦會用英文名, 所以都係我幫個仔喳主意先啦~ 哩個名發音超簡單, 我爸媽唔識英文都識讀, 仲好鐘意叫佢英文名tim~^^