生日坐鴨靈號

生日搵節目時, 發現香港有一隻好懷舊的帆船我哋係未坐過的~ 叫鴨靈號~

原來生日坐鴨靈號係免費ga~ 同行的人買票亦有折扣~ 再加埋聖誕優惠, 結果只係花咗3百幾蚊, 就可以2大1細上船游半小時船河喇~ 因為係細船, 我都估到會幾搖, 所以無帶妹妹去, 本身3歲以下好似都係免費~

紅色的帆, 好靚好懷舊~

寶品見到好興奮!

船票係包每人一罐汽水, 同埋生日係有一張即影即print的相送~ 留個念, 都唔錯~

初初上船時寶品黐住張櫈唔敢行開, 好明顯係驚~ haha

後來耐咗, 習慣咗就唔驚, 爬來爬去搵船長傾謁!

當日天氣好好~ 唔太熱又唔太凍~ 涼涼哋吹吓海風, 好正呀!

寶品同船長明哥傾咗好耐, 問東問西~ 明哥話佢好叻仔, 把口好掂~ 問佢幾大, 我哋話K3, 明哥話佢一啲都唔似讀幼稚園, 似三年班學生就真~ ^^"

寶品話好鐘意坐, 想下次再坐喎~ 相信如果有得在船上食埋野, 佢會更歡喜~ ^^