朗誦比賽again

有差不多半年無參加普通話朗誦比賽喇~

其實面試完結, 本來都覺得無需要再報朗誦比賽, 不如留番多D 時間去玩吓好過~

不過見係狀元盃, 上年都參加過, 三甲係有頂狀元帽送的~ 不如都再試吓玩吓, 睇吓一年後有冇進步都好~

今次轉咗普通話老師, 練習時我覺得仔長大咗亦進步咗~ 都對佢有信心ga~

點知世事就好咁, 在家練一百次都無背錯, 偏偏上台時就讀錯音....仔知道自己讀錯音, 即刻重複再唸一次(錯果句).... 完成後我話佢知, 有錯都要繼續讀埋佢, 唔可以返轉頭ga~ 佢就即刻好擔心, 成個人down哂無哂心機.......同佢講乜佢都提唔起勁......

真係從未見過寶品咁樣, 平日佢玩乜都唔太計較輸贏ga~ 睇嚟今次佢真係好想拎獎, 亦未接受到自己失準~ 我覺得真係一次好好的成長經驗! 阿囝終於都對自己有要求喇!  

最後寶品都拎到季軍, 好開心呀! 因為佢以為今次失手實係拎豬肉獎~ (囝開始知道乜野係安慰獎)

評分紙都mark咗佢重複咗讀誦材, 其餘的評語都唔錯啊~ 我哋都好滿意ga喇~ 見到佢日漸成熟, 雖然唔算好叻好有天份, 不過真係有進步, 咬字清晰咗, 自信心亦強咗~ 

2018 

2017, 都係拎季軍~ 

明年升咗小一, 唔知仲會唔會報哩個朗誦比賽lu~

未來餘下8個月的K3生涯, 想阿囝係過得充實又開心的~ 好多野想俾佢試,可能唔會再報朗誦比賽, 又或者就算報, 都想試吓英文朗誦~ 因為從未試過, 而且都想知道喜歡英文的寶品會唔會喜歡英文朗誦~