嘉湖海逸酒店2日1夜之旅

今個聖誕無安排去旅行, 見嘉湖海逸酒店出咗啲聖誕package都幾抵玩, 囝又恨住酒店, 就試吓啦~ 嚟一個不一樣的冬至~

其實雖然近我哋, 但我哋都係第1次入住咋~ 真係被啲小朋友活動吸引而想試吓~

知道有得去天水圍, 囝非常之開心, 因為佢終於有得坐吓705, 706線輕鐵~

興奮到四圍同親朋戚友講話自己幾月幾號會去天水圍旅行~ 真係笑C人~^^"

出發前, 囝拎定張路線圖出嚟睇吓點樣搭輕鐵入去~ haha

平時去旅行拎大喼, 基本上都唔會俾囝拉, 怕會受傷~ 

今次拎個細喼出動, 佢就爭住要拉喼~ 

西鐵2個站+輕鐵2個站就到達酒店~ 

加咗少少錢, upgrade咗去套房~ 仲可以late check out 去到3點~

間房都好大啊!

住酒店可以同daddy mammy瞓, 囝最鐘意~

全間房最失色就係張梳化~ 應該係開業以來用到依加, 分分鐘有廿年~

睇落非常殘舊, 點解唔換咗佢呢? 

 

把握時間, 落去3樓玩遊戲先~

好多小朋友排隊喳電動車~ 每位小朋友可以玩4個遊戲, 每個玩15mins, 玩哂都成個鐘ga~ 仲未計排隊都要花時間~

當日下午超曬照熱! 真係玩到成身汗~ 啲電動車都幾新淨, 唔錯~

玩完車去跳彈床, 咁啱上一批小朋友玩完, 輪到仔時, 無其他人陪佢玩!

佢覺得好無趣味, 彈咗5分鐘就話唔想玩喇~ 好浪費~

之後玩吹氣滾輪, 因為有其他小朋友排隊一齊玩, 所以仔又肯玩喎!

玩得哈哈大笑~

玩完就早少少上房沖涼, 休息吓再出去食dinner~

其實當日我哋7點幾就起身去上堂, 所以大家都好攰, 要小休一陣~

個菠蘿油公仔係送的~ 每間房都會送一個~

酒店樓下就係商場, 好多餐廳食飯~ 可以唔一定要留在酒店食buffet~

冬至叫二個湯圓應吓節~

食食吓野, 囝太攰瞓著咗~ 

Day2

酒店package包早餐~ 質素麻麻哋~ 因為房價都唔貴, 本來就無期望, 都估到係普通野~ 

咁啱撞到我個舊同學帶仔嚟住, 所以寶品就搵到個伴玩, 太好了!

早上11:30am book咗個cooking class, 未夠鐘, 去playground玩吓先~

package 包咗donuts cooking class~

初初以為實係俾個冬甩你裝飾吓就算~ 點知原來係由打蛋落粉做起! 真係估佢唔到~

有得試吓自己打蛋, 攪伴,唧花..... 小朋友好enjoy呀!

自己出去排隊沾朱古力同埋落糖果碎~

每組自己整2個冬甩~ 

完成後好有滿足感! 同埋都整得幾靚啊~ 玩足45mins, 非常滿意哩個cooking class~

拎上酒店房, 囝即刻試食咗一個~ 佢話好好味~

臨check out前, 又去玩埋餘吓未用的遊戲劵~

day 2 涼咗好多, 天陰陰咁~ 我哋玩完回家後才開始落雨! 真係好彩~ 

整體嚟講覺得哩2日好充實, 好多野玩~ 俾小朋友歡渡週末真係一個唔錯的選擇~

假日房價都係1千蚊有找(標準客房), 包遊戲包早餐~ 有時去yoho mall食餐飯都成千蚊, 相對地一千蚊可以又玩又住酒店又食早餐, 真係唔貴呀~

如果下次有新活動都可以諗吓再住!

坐開蓬巴士睇燈飾~

又到聖誕節, 時間真係好似坐火箭咁快! 話咁快又一年! 今年又嚟到同一個地點, 坐開蓬巴士睇燈飾~ 

咁啱今年揀咗冬至當晚去坐巴士~

巴士~ 男生最愛~ 不過2位小子表示鐘意坐水晶巴士多D~ 水晶巴士票價貴好多倍呀! 囝!

上年鄧生唔舒服無嚟, 今年可以一齊喇~ 希望出年帶埋妹妹~

開車喇~

路線同上年完全一樣~  今年天氣就無上年咁凍~

出門前我準備咗羽絨, 之後俾鄧生阻止, 話唔駛帶咁多褸, 好彩我放低咗無拎, 原來真係唔太凍~ ^^" 因為上年經驗係好凍又大風, 所以我成日擔心會冷親個囝~

中途會停低在海旁俾乘客喪影相~

見到鴨靈號啊! (紅色帆船)

好似唔駛半小時已經坐完喇~ holiday mood, 之後落元朗食糖水~

2018家庭照

安排到時間的話, 每年都會搵攝影師影吓家庭照留念~ 

小朋友大得好快, 依加睇番相, 覺得妹妹這一年來好似長大咗好多啊~

Jan 2018

May 2018

Dec 2018

之前妹妹影過幾次影樓, 表現都麻麻哋, 一離開我懷抱就會喊~

今次試吓影戶外, 近年尾揀咗去尖東影燈飾,特別D~

妹妹影到中場開始扭計, 少少不滿就大喊....最後都係主力影哥哥, 妹妹就不受控四圍跑, 我要捉雞仔~

出來的效果OK, 好colorful, 感覺好有節日氣氛~ 不過都好明顯2兄妹無乜笑容, 因為攝影師係無引過佢哋笑~ tum細路仔笑哩方面麻麻哋~ 但係價錢唔算貴, 所以都抵玩ga~