2018 東京遊

2017年6月

2018年6月

上年同埋今年既6月, 我哋都去咗東京旅行~ 同一個地方(ThomasLand), 景物依舊, 寶品就長大咗, 少咗份稚氣~ 上年落雨陰天完全睇唔到富士山, 今年就超級好天, 見到靚靚既富士山~ 我哋暴曬咗一日, 全家都即刻黑咗~ 但寶品大咗, 依加識欣賞富士山, 亦留下深刻印象~

因為多事忙, 我都無空閒逐日寫返遊記喇~ 今次都係親子行程~ 去咗豐島園、淺草雷門、skytree、富士急樂園、橫濱包超館、八景島~ 其餘時間行街買野~ 阿囝好鐘意東京, 因為有thomasland之餘, 啱佢食啱佢玩啱佢買, 又有動物喎~ 真係超級開心~ 

其實日本我哋仲有好多地方未去過, 只係因為寶品上年去過thomasland後成日提住想再去, 所以就滿足吓佢, 面試前去玩番轉~ 唔知以後仲會唔會再去呢? ^^"

 

今年5歲幾,仲勉強坐到車仔~ 其實每日都係早出晚歸食埋飯先返酒店, 細路仔真係行唔到全日~ 亦唔想佢太辛苦會容易病(上年發燒嚇C我), 所以帶埋pockit 去~ 累時有得坐一坐真係差好遠ga~

今次我哋初試淘寶包車, 包咗4日~ 係就係有啲貴, 因為有2日行程都好遠水路, 不過全部人都可以在車上瞓覺差電, 又唔駛搵路, 司機車到去門口~ 的確係好舒適~ 鄧生希望去旅行係輕鬆舒適食得招積, 唔想每日都好似疲勞軍炸咁, 所以唔自駕~

坐吊車上山睇富士山, 係好靚! 

喺HK去玩乜都要排長龍, 要爭要鬥快~ 嚟到橫濱勁少人, 睇乜都好舒服好輕鬆, 完全唔駛排隊~

為咗爭取時間, 鄧生帶寶品入包超館裡面玩, 我就去出面啲鋪頭shopping~ 媽咪shopping時間總係唔夠, 每次都買到被鄧生催我走~ 其實我都好鐘意東京, 因為真係太多野啱買~ haha

從以前拍拖開始, 去玩去旅行我都好鐘意買相留念, 今次都唔例外買咗幾次相~ 最深刻就係在thomasland 裡面, 有一個類似迪迪尼winnie the pooh的game, 坐在卡車上四圍睇野, 去到最後係有一個影相位, 但我個仔每次都無望鏡頭! 為咗影一張3個人都一齊望鏡頭的合照, 我哋玩咗哩個game 4次!! 玩到識背~ 好彩樂園真係唔多人, 完全唔駛排隊, 所以我哋先可以不停repeat 再影過~

就係哩張相喇~ 我覺得背景好靚好繽紛, 值得買嚟留念~ 鄧生話諗起"月光寶盒" 套戲, 波耶波囉mi~~~ 之後就返返去同一個地方重新嚟過~ haha~ 都有啲似~

  

歡樂既時光過得特別快~ 希望快啲再plan去旅行la~