ocean park探索課程

今年Easter假期時, 報咗3日的ocean park探索課程俾囝消磨長假期的時間兼吸取特別的學習experience~ 上次玩得好開心, 3.5hrs的課堂, 有參觀有手工有遊戲有tea time~ 寶品好鐘意, 上完即刻問下次可否再嚟上堂~ 我哋揀咗英語上課, 感覺上寶品應該聽到7-8成~



之後有1次去面試班畫畫, 寶品畫咗海獅館裡面的海獅, 雖然畫功好差, 但老師話佢講得好好, 形容到海獅館裡的不同細節~ 真係學到野返嚟~



於是, 就趁面試之前, summer再報一次OP的探索課程~ 就係想佢有多啲深刻而又開心的學習回憶~ 順便又消磨吓暑假~ 真係排除萬難, 唔怕遠, 唔怕接送辛苦, 唔怕熱咁去完成3日的課程~ 今次試吓中文上課, 始終係母語, 希望佢會吸收得更好~
不過問佢喜歡上中文定英文, 佢答英文~ 原因係佢喜歡某個女導師....並無其他特別原因~

4個月後的寶品~ 今次課堂時間有少少唔同, Day1+ Day2都係每日4hrs, Day3係結業禮~
而今次有得加$488買相片package~ 包3張上課的大照片+1個相片座~ 我哋都照買~
今次有手摸海星同埋海蔘~ 過癮~

上次教整簡單的STEM勞作, 今次教濾水過濾系統~ 寶品都覺得好新鮮好玩~

今次仲有盒4M的濾水學習玩具俾小朋友拎番屋企試玩~ 人人有份, 佢哋都好開心呀~


每次課程的最後1天, 都係家長去睇結業禮, 聽吓小朋友學吓啲乜~ 好簡單, 半小時就禮成~
之後就一家人在OP玩~

今次夏天, 有夏水禮玩~ 我哋都係第1次體驗, 個場好細, 不過對小朋友嚟講, 已經覺得好好玩~ 有水有泡泡, 阿囝真係望到都興奮! 佢不停話好好玩, 令我有衝動想出年再陪佢嚟玩泡! 

我在室內睇實個仔玩水玩泡, 來回咗好幾轉.....小朋友玩水玩泡的地方只for 小童, 家長係企埋一邊睇, 唔準入去玩水的~而鄧生就在出面啲長櫈度等我哋~ 真係小朋友開心消暑, 父母就熱到暈~ 玩完阿囝仲話想去跳彈床! 露天的, 我怕又熱又焗真係會玩到頭暈, 所以無俾佢玩~

以往去ocean park都未去過冰極餐廳, 所以今次上山去試吓~ 

 賣點係可以邊食飯邊睇企鵝, 小朋友們好開心ga~ 如想要近玻璃位係要訂座先有得留~

不過價錢都幾貴~ 當體驗吓, 唔會成日嚟幫襯囉~ ^^" 

玩埋攤位遊戲, 中咗2隻公仔, 勁開心~

星期六請哂假唔學野去玩咗1日, 感覺真係好爽! 好耐都無free 全日喇! 成日帶出帶入學野的日子, 其實真係好苦悶, 唔好話小朋友, 連大人都有啲頂唔順想抖吓氣!

遊機場展望台

星期日中午上完堂, 難得得閒, 就諗住搵地方陪阿囝去玩~ 

super park full 咗, 新開的歷奇公園又怕Sunday人多.....入挪亞方舟/ 去360又太晏唔夠時間玩....

最後不如簡單啲, 滿足吓個囝去坐機場快線入機場~ 反正由奧運出發都方便~

鐵路迷勁渴望坐機場快線, 上年坐過1次, 今年再坐仍然係好興奮~

搭1個站, 由青衣去機場~ 今次好多位坐~

去到T2, food court 食個lunch先~ 阿囝指定要食Burger King~

知道機場T2有個展望台可以睇飛機升降, 我哋未去過, 就去睇睇~

入航空探知館係免費, 入面有少少模型同埋飛機介紹~

不過完全無飛機紀念品賣, 寶品叫我買隻國泰玩具飛機俾佢, 可惜係完全無野賣ga~ 佢以為好似睇九巴巴士展咁, 會有玩具巴士賣~ ^^"

上展望台要買票~ 2大1細, $40有找~

一上到去, 第1個感覺係: 好曬呀!!

無遮無擋, 2pm時份都好曬吓! 我哋睇咗15mins就落返去喇~

未見過咁多的士泊在一起~

四圍望吓, 影吓飛機, 睇吓係咩air line 的飛機降落咁~ 

好快就遊覽完準備返元朗喇~ 因為約咗同學仔~

寶品從未搭過機場巴士, 玩具機場巴士佢有好多架, 恨坐咗好耐~

終於有機會喇! 去到巴士站, 要等20mins先有車!! 我當場就無哂mood....因為好熱....但阿囝都堅持到喎~ 佢真係好想試坐~

自從同鄧生一齊後, 我哋去機場都唔會坐巴士, 所以數數手指, 都有8-9年無坐過機場巴士喇!

今次第1次搭A車, 坐位都好闊落舒適, 又可以手機充電~ 而且A車站不多, 返元朗都算快呀~ 

巴士沿路風光

最後節目就係去同學仔屋企玩~ 平時唔多哩啲機會, 所以寶品好開心~ 我哋仲食埋飯先走~

在玩舞獅過程中, 我意外地發現寶品打中國鼓係打得幾似! 好有節奏感, 打得比我好好多~ 可以的話遲啲試吓俾佢學吓中國鼓~ 

終於放暑假

當其他人都開始陸續開學時, 寶品剛剛才開始放暑假!

佢哋學校出名暑假短~ 不過對在職爸媽嚟講, 確係好事! 事關淨係放2星期暑假我已經好頭痛~今年無時間去旅行, 就要諗有乜summer course 可以報~ 揀咗2日ocean park summer day camp, 2日梓鋒教育暑期班~ 其餘日子就公公婆婆湊 or 留在家中喇~ 公公都好好, 成日帶佢去街去公園去圖書館~ 如果哥哥留在家, 妹妹就會全日都唔肯瞓覺, 唔夠瞓又會好扭計~ 

住村屋無會所, 無得好方便咁落泳池游水~ 最近每晚都同妹妹在按摩缸玩吓水~ 

放假想去沙灘玩吓水, 不過因為舊曆七月, 鄧生話唔好游沙灘~ 唯有等八月la! 

想做的事太多, 但時間太有限~ 

寶品運動一向唔叻, 有時仲覺得佢好易仆親, 手腳調協好似幾差吓~

最近幫仔報咗k pop班~ 試咗一堂佢話ok 肯繼續學, 所以又試吓玩吓跳舞~

其實有諗過俾佢學吓踢波~ 但時間非常難遷就, 地方亦有concern..... 唯有自學住先~ 有時daddy會陪寶品練吓波~ 但都係放工天都黑哂先嚟踢~ 希望對佢手腳協調會有改善~

之前我plan咗希望仔在面試交portfolio前可以完成GAPSK 高級 + Trinity GESE grade2, 最後剛好如期考咗, 而且都拎到好成績~ 老實講過程係辛苦的, 要出出入入上堂, exam前又要抽時間溫習, 好彩最後都完成目標, 安落哂~ 

至於starter我哋選擇暫時唔考住, 因為真係兼顧唔到太多野~ 我相信無cambridge cert都唔會對面試取錄有太大影響~

暫時唔駛再考cert, 大家都鬆哂~ 

其實考cert除咗方便整portfo, 證明小朋友係識基本英普對答之外~ 都係練習面試的好機會~ 所以我都唔介意逐級考, 每次面見exam, 仔都可以吸取經驗, 習慣有禮貌地回答考官的提問~ 其實加加埋埋, 囝已經有6次考哩類speaking exam的經驗~ 真係會一次比一次淡定ga~

寶品由K2開始上公文數學~ 初初開始時真係好辛苦好唔習慣~ 因為每日要做一份20頁的數學功課, 有時真係會做到喊....睇見都心痛~ 但阿囝真係算好乖, 咁辛苦都無話唔學, 默默地每日做一份, 日子有功, 依加已經唔會再為做功課而喊, 而且速度都快咗, 大部份時間都唔需要太勞氣~ 亦非常興幸寶品讀的幼稚園只有星期五有功課, 幫輕不少~ 

其實學過之後, 我就覺得公文的操練方法太辛苦, 量太多! 不過鄧生堅持覺得可以打好數學基礎, 係辛苦, 不過會有用, 同時練埋專注力~ 現階段仲未可以睇到公文操練法到底有冇成效, 可能要好多年後先睇到~ 不過鄧生讀書時數學又真係幾叻, 係佢強項~ 希望寶品都可以一樣啦~ 寶品最近成日話想做建築師, 因為佢好鐘意高樓大廈~

唔知點解, 阿囝勁鐘意ICC~ 早排為滿足佢, 我哋就俾錢上SKY100睇風景~ 如果唔係為阿囝, 我諗真係未必會上HK的觀光塔.... 上到去都係四圍睇吓風景, 影吓相無咩好做~^^"

但對小朋友嚟講, 可以搭lift上頂樓已經好high~ 阿囝好開心~

眨吓眼個囝就5歲半! 真係大得好快~~ 餘下1年幼稚園生活, 真心希望佢可以開開心心~ 因為現實所見, 上咗小學學業係好難輕鬆! 上咗小學就無咁多包容! 

有得玩就盡情地玩la!~ 

模擬面試 + 太空館

星期日, 瞓到10點半先起身梳洗~ 對我嚟講已經好舒服~ 因為過去半年我都已經無得晏起身, 每逢放假都要早起送仔去學野~ 真係虎媽唔易做 T.T ~

食啲野, 我哋就出發去模擬面試~

今次轉咗另一間酒店, 換吓環境~ 當日超大雨, 唔想個仔條褲濕哂所以我幫佢揀咗著短褲~  

今次係英華模擬試~ 我諗大部份男仔都會一試哩間~ 面試出名重學術, 所以模擬試都問咗好多野.....阿囝result都係普通, 無驚喜, 而且輸咗唔少態度分.....>.< 除咗提醒, 都係繼續不提醒提醒同埋提醒..... 真係盡哂力, 行為班都上咗咁耐, 唔得都無哂辦法~

難得下午無野做, 趁無落大雨, 就帶囝去吓太空館~

近期佢非常鐘意solar system, 我哋估佢會鐘意太空館, 所以就帶佢去睇吓~

果然係非常鐘意~ 十分喜歡~^^

本來無諗住買年票, 但去到見到買即日門票條龍好長! 仲要在室外(落雨天), 即刻問人年票在邊度申請~ 年票在2樓, 唔駛淋雨, 條隊仲短好多tim! 我哋排第4~ 而且$100全家人全年任去所有museum, 真係好抵玩, 都係買年票la~^^" 希望以後多啲搵機會帶仔再去唔同既博物館~

可能因為落雨天, 太空館又唔算好迫人喎~ 係就係多強國人, 但數量可以接受, 起碼都睇到野~ 仔仲未好識深入啲去了解唔同既展品介紹, 但四圍摸吓玩吓啲展品, 佢已經覺得好開心~ 下次book定位買票睇吓啲天象天影先~

玩咗2個鐘, 又趕住返去學游水lu~ 臨走前買2杯雪糕食吓~ 依加雪糕車啲雪糕真係溶得勁快....

2018 大阪京都遊

近幾年我都有印快圖美相簿去記低啲旅遊相片同埋點滴~ 近日揀開相, 又在blog記錄吓今年4月份另一個日本trip~ 就係一行15人的大阪京都之旅~

今次同一班識咗10幾年的朋友第1次咁多人一齊去旅行~ 佢哋係我最癲最好笑的一班朋友~ 6日旅程中笑料百出, 真係好深刻又好開心的回憶~ 今次我單拖帶仔去參與, 未試過出遠門無鄧生在身邊, 本來真係幾擔心ga~ 我又已經好多年無去大阪, 不過朋友們plan好哂行程, 乜都book好哂, 又搵哂路~ 我哋不用操心, 跟住玩就得, 簡直係唔駛帶腦去旅行咁! 好爽~ haha~ 

不過連日來都趕行程行咗好多路~ 搭咗好多唔同既鐵路, 轉嚟轉去, 仲搭咗好多次巴士~ 滿足哂寶品la~ 真係一個幾好的體驗~

大阪必影的固力果人~

話明佢哋係最癲最玩得, 所以花紳野都特別多~ 出發時十幾人每人一個爆炸頭, 唔同顏色, 幾觸目又攪笑~ 我哋仲有每人一件團tee, 團名叫"有今生無來世旅行團"~ 

我10年前去清水寺無著和服, 趁仲未算好老, 今次真係想試吓! 

3x歲人先嚟和服初體驗.... haha~ 

大家著哂唔同顏色和服一齊影相, 好靚好有紀念價值!

我哋在"夢館"租衫, 為方便, 我加埋錢化粧set頭~ 早上10點去到, 都勁多人早過我哋到~ 好似無乜靚款好揀咁, 最後是但揀, 出嚟既效果都唔錯喎! 和服真係越花, 越撞色就會越好睇~

至於寶品, 好幸運一去到已經見到有一套青綠色男童和服, 啱哂佢! 我覺得好靚好襯佢呀!perfect!

全部人換衫攪掂哂要2小時! 真係辛苦同行的男士同小朋友! 要呆等咁耐~

之後我哋在中午時份, 著住套咁熱既和服行上清水寺....真係熱到high high!!!

各人一去到清水寺附近都即刻買雪糕食, 全條街都有綠茶雪糕賣, 正呀!~

雖然係4月時份, 但係天氣都好熱, 當日行咗幾個鐘, 真係好辛苦~ 不過影咗好多靚相留念, 值得既~

有一晚我哋去行激安購物, 寶品見到門口好大隻企鵝, 好開心咁問我係咪上樓上睇企鵝! 

佢以為係企鵝館之類~ hahahahaha~ 又真係幾容易令小朋友誤會~ 

釣魚船屋食飯兼釣魚~ 不過其實好難釣! 我哋試釣一輪後, 就叫職員幫人釣~

我覺得唔算特別過癮, 下次可以唔駛嚟~^^" 反而忍者餐廳過癮d, 有忍者表演, 個格局又幾得意~

淡路島牧場, 搾牛奶~ 我無try, 阿囝就有試玩~ 同動物有關既活動佢都好肯試~

渡月橋

嵐山火車~ 買相~

男子組玩孖寶賽車~ 女子組去shopping~ 小朋友/無車牌都唔喳得~ 

士多啤利溫室, 任採任食任飲~ 可以食埋蛋糕同雪糕, 好飽! 

在京都喪食喪買綠茶野~  

仲有好多行程未能盡錄, 真係非常充實的6天~

今次因為跟大隊一齊買機票, 係我第1次坐廉航~ 好彩來回都無delay~成4個鐘機程, 無電視睇我都好擔心個囝頂唔頂到悶! 我無俾電子產品佢睇, 好彩都安然渡過~ 餐一定要叫, 驚囝肚餓, 一齊食吓飯打發吓時間, 不過都係唔好味的~ 

問阿仔鐘意hk express 定 hk airline, 佢都揀hk airline~ 小朋友肯係鐘意有餐有甜品有果汁有nuts 有玩具送la~ haha~ 其實mark位叫餐同埋行李收費加埋都唔係平過普通機票好多~ 加上鄧生俾錢, 下次真係未必再坐hk express~

大阪, 後會有期~ 希望下次帶埋妹妹去~