派雞蛋糕~

寶品bb眨吓眼已經11個月喇!~ 越嚟越大個仔, 好快唔可以再叫佢bb喇~

今個月終於都買咗美心個hello kitty頭蛋糕嚟試吓~ 味道無想像中咁差喎~

 

圍村添丁有點燈的習俗, 寶品今年新年都會點燈~ 提前按習俗向村民派發雞蛋糕~ 以前係會派埋煎堆的, 不過時代變咗, 大家懶咗簡化咗, 依加已經唔再派煎堆, 淨係派蛋糕算lu~ (當然仍然有其他圍村係會keep住派煎堆哩個習俗~)

同上次結婚時一樣, 都係派榮華的雞蛋糕~

共5箱, 好似有400個~ 每個門頭派2個~ 餘吓的就派埋俾親友~

辦喜事真係好開心~ 而且臨近新年, 感覺就更加喜氣洋洋~

隨住寶品越來越大個, 家裡既野都越來越多! 最近淘咗d彩色膠箱, 有大有細, 用嚟分類放bb玩具雜物非常方便, 又可以疊高~

客廳的地櫃已經全被玩具、書本霸佔哂.....不過我都會放得整整齊齊, 希望睇落去順眼d~ 依加阿仔未識行, 遲吓識行識走實會攪到d玩具亂七八嘈......唔知仲可以整齊得幾耐呢?

曾經有講座教過我哋, 玩具同書本係要分開擺放, 不然小朋友實玩玩具唔睇書....不過hk哋d屋有幾大? 我哋住村屋都覺得好難做得到, 最後都係屈服, 暫時放埋一齊.....不過其實我揀玩具俾個仔都好用心, 盡量選擇learning toys, 有學習同埋啟發性的~ 所以我覺得玩具同書本一樣咁重要同埋咁有用~ 放埋一齊, 就變咗阿囝的learning corner喇~

戴帽帽

 冬天帶bb出街, 戴返頂帽仔會溫暖好多~ 而且bb帽真係好得意, 所以我買咗好多帽仔俾寶品, 從初生到現在, 起碼有廿頂帽@@".... 好多都只係帽過1, 2次就唔啱戴tim..... 所以依加真係好鐘意先會買, 無以前咁癲了~

其實寶品唔算鍾意戴帽, 佢都會嘗試用手想拉頂帽落嚟, 不過我哋搵其他野分散佢注意力, 佢又會唔記得咗自己戴緊帽~ hehe

今個冬天, 買落的冷帽仔大派用場~

熊啤啤帽from H&M

豬頭丙帽from GAP

 

茄子帽from GAP

 

Elephant 帽from 反斗城 

 賊仔帽from美國代購

蘋果帽from GAP

12蚊店買的聖誕頭cool~

今年係寶品第一個聖誕節, 梗係要著一著人生第一套聖誕衫啦~ 著完我同工人都忍唔住係咁讚寶品得意, 真係好可愛啊~~~

有朋友話寶品扮聖誕老人個樣好似女仔, 仲話有d 似little K~ haha~ 其實我一直都覺得寶品同little k有d似樣的!^^

今年第1年帶寶品去食聖誕buffet~ 個衰豬成晚黐住我, 連自己坐低都唔肯呀, 係都要扭我抱住, 其他人抱又唔得~ 雖然佢表現唔多理想又攪到我無啖好食, 但我都覺得好開心~ 今年有你真係乜佳節都特別開心d~

2014第1篇~

睇返紀錄, 原來我12月只係出過2篇blog~ 真係好懶呀!~

聖誕節玩足成個星期, 節目豐富, 開心充實~ 好滿足地同2013 say goodbye!

2013年對我嚟講實在係太難忘的一年~ 經歷咗生仔、湊仔、學做人阿媽.....對我嚟講好新鮮~ 同埋有一份講不出的開心興奮! 小寶貝充實咗我既人生, 同埋改變哂我哋既生活~ 我真係好愛好愛哩塊心頭肉~ 

嚟緊2014應該開始要面對"教仔"哩個大難題! 預計寶品都應該係一個有脾氣的惡攪小寶寶~ 我成日同自己講, 人邊會有完美? 更何況一個1、2歲既人仔, 佢只係一張白紙~ 就算好多地方做得唔好, 都唔可以怪哂佢, 做父母的負任就係要不斷糾正, 教好佢~ 我相信建立良好的親子關系有助管教小朋友~ 小朋友信任你就自然會聽你的說話~ 一味打鬧、要求小朋友要點點點點點.......將心比己, 我都會覺得父母好煩同埋好唔開心~ 教仔實在係一門好深的學問, 人人都有自己既方法同埋準則, 我唔要求最完美, 只希望過到人過得到自己~ 做個好人, 識得孝順就得了~

10個月的寶品~

踏入10個月, 識得用飲管杯飲水~ 識扶住野行好耐~ 自己飲奶同埋用手拎星星餅嚟食已經學識咗好耐~ 想食野時會係咁點頭, 點到頭都甩咁既款.....好似同食有關的佢會學得特別快~ 其他發展應該都大至正常~

踏入10個月, 正式開始上playgroup~ (之前試過2堂試堂)

我最後揀咗元朗的"醒目教室"~ 主要係貪近屋企, 同埋試完堂覺得課程都OK啱玩, 全英語上課~ 報24堂就平均$190/堂, 唔算特別便宜, 不過近屋企真係幾重要! 隨住寶品越嚟越重, 又要帶好多野出街, 有時我要自己1個帶佢去上堂真係唔容易~ 同埋我覺得playgroup真係純粹係當玩1個鐘咁, 主要係想俾bb學習同人相處, 無謂太辛苦自己同bb, 近近哋去輕鬆吓咪算~ 想學野嚟緊廿幾年漫長的學習生涯有排佢學呀~

我們上的playgroup每堂都有10分鐘大肌肉鍛鍊環節~ 我見其他小朋友都好enjoy好鐘意玩~ 不過我個黐身仔就唔多鐘意, 迫佢佢先肯爬幾吓.........希望上多幾次佢會慢慢開始enjoy la~

上年臨生仔前, 因為擔心會早產所以鄧生唔俾我食雪糕! 欠我的雪糕火煱今年終於對現了~ 訂咗個classic set 一齊慢慢歎~   

上年你仲o係我肚裡面, 今年你已經咁大舊坐在我大脾上~ 時間真係好似光速行得咁快!

Oxford Path X'mas Party~

沉日參加咗Oxford Path攪的X'mas Party~ 名為聖誕派對, 但實質去到除咗播咗d聖誕歌同埋講咗個聖誕故事外, 就唔係好覺有咩聖誕氣氛~ 無聖誕佈置, 連聖誕老人都無個~

今次個party在半島中心一個baby gym room舉行~ 家長可試玩現場的baby gym設施一陣~ 仲有d好高難度的無開放俾人玩~

對於寶品哩個9個幾月的bb, 其實可以話無一樣野啱佢玩咁濟!!

我事前係唔知道x'mas party係會玩哩d野ga! 最後我哋都係咁易參與吓, 俾佢摸吓扮吓野影幾張相~

吊環~

單桿~

你睇吓條友仔.....隨時放手反向後面!@@"....我真係唔敢放手比佢試呀!! 連離開個hip seat我都唔敢, 好驚佢跌落嚟我接佢唔住!

佢就企得爽爽的~ 好彩我仲後生, 都仲頂到一陣......=.="

 

一時唔少心線腳~ 佢個樣好好笑......hahaha

其實寶品全程都唔多enjoy玩體操~ 始終佢仲細, 跳彈床、走上走落果d都唔啱佢玩.....連彩虹布佢都無玩~

除非遲吓發覺阿囝體育方面真係好差, 不然我都唔會花錢報baby gym course~ 一來無諗住要佢學體操, 二來平衡力、跑跑跳跳哩d, 小朋友大大吓就會領悟到, 唔駛俾錢人去學掛?

  

 今次有2隻oxford path 教材裡面的主角公仔出嚟同大家影相~

寶品係咁望住karboo, 好似似曾相識咁喎~^^ 仲有隻大monkey cheeky~ 不過實在太多人排隊了......我哋懶, 無排到~ 希望將來有機會再影吧~  

整體嚟講我同鄧生都覺得今次party都幾悶吓! 只係講吓故事, 唱咗兩首歌仔, 無野食無野飲~ 正當我哋諗住明年唔再參與的時候...臨走竟然有張證書俾寶品喎!!~ oxford話淨係lable有紅點的小朋友先有, 咁啱寶品有喎! 不過鄧生話覺得邊有咁啱, 一定係佢哋預早已經分配好會邊d小朋友會有證書, 係內定喎~

 呵呵~ 寶品哥人生第1張證書啊~

其實張證書同佢的表現好似無乜關連~ 不過就寫到佢做得好好咁.....haha~

每個小朋友仲有一袋禮物包~

  

今次活動地點在尖東, 可以順便影吓燈飾~



大小姐又生日喇~

眨吓眼大小姐我又走到30歲哩個關口~ 代表自己已經不再女仔, 要用女人嚟形容~ 以前青春少艾時真係唔介意大大聲話俾人知自己幾多歲, 30歲過後就變得唔會太想刻意去提歲數~ 所以以後唔會再刻意講係幾多歲生日了, 大家自己數吧~ haha 依加我反而期待阿囝1歲生日的來臨~ 不經不覺我就快為人母親1年喇!

今年生日無乜特別節目~ 我揀咗去洲際high tea~ 之前聽過幾個blog 友讚中式high tea好味道, 所以我就去一試~ 果然好好味呀! 值得推介!  

雖然在場眼見好多客人都係選西式high tea set~ 不過我試過後, 還是覺得中式的啱我口味d~

另外要一讚酒店服務員的服務態度好好~ 食物嚟到自動波介紹各種點心糕點~ 不時會行埋嚟問吓我哋食物質素ok唔ok? 又會主動話幫我哋影合照~

好寸咀的口水肩! haha

寶品bb全程都好扭計呀~ 扭抱...喊....同埋尖叫! 真係失禮C人....=.="

我忘記帶餅餅, 於是去美心買咗袋排包~ 寶品like爆! 係咁追食, 餵遲一陣就尖叫...喊....=.="

食飽飽就去附近1881影吓相~ 好多人啊~ 仲好多賓賓.....佢哋乜都影一餐, 真係唔太想同佢哋迫! 同埋我覺得依加d工人都幾有錢, 好多都用新ipad 同埋新型號手機影相~

晚上同屋企人去流浮山食咗餐好貴的海鮮餐! 多謝阿爸~

小攸子今年識唱生日歌俾我聽了~ 唱得好攪笑, 甜C我~^^

公司同事送的生日蛋糕~

仲有鄧生買的~ 我指定要試hello kitty彩虹蛋糕~ 因為好靚, 同埋添近, 方便鄧生取餅~

估唔到美心的彩虹蛋糕進步咗! 多咗鮮果肉好味咗~ 如果可以再減d cream會更perfect!~

唔知阿囝明年識唱生日歌俾我聽未呢?^^

仲有我班好姐妺~ 今年去咗試K11的"大都烤鴨"~

湊住個仔唔得閒影食物~ 不過質素真係唔錯, 難怪咁難訂位~

只得一張食物相~ (係朋友影的)

朵花超靚呀~ 不得不讚吓廚師的心機同埋刀功! 白色的係酸蘿蔔~ 下面係磨菇同木耳~