屯門公園

上年HK多咗2個免費而且好多野玩的公園~ 分別係葵芳新都會的歷奇公園, 同埋屯門公園~

新野一定多人去試玩, 星期六日真係唔敢去~ 好怕要爭要等~

9月份時, 有一日有事請假, 就順便帶仔去試吓歷奇公園~ 閒日唔算多人, 玩得好舒服呀!

到12月份去屯門公園~ 因為都算近我哋, 所以身邊好多朋友仔已經試過哂~

我就趁聖誕長假期時去, 因為好多小朋友都放緊假, 所以都多人呀~ 只係未至於超多人~

今次帶埋妹妹去~ 搭西鐵由元朗去屯門站, 其實都好快到~

睇我啲相好似唔係太多人, 其實都多人ga~ 玩咗一陣我就有"此地不宜久留" 的感覺, 眼前勁多小朋友, 成日要搵囝, 有啲頭痛......

妺妹愛乾淨, 所以好抗拒玩沙.....

哥哥就相反, 唔怕污糟, 最鐘意玩沙........ 我太了解佢, 知佢實鐘意個沙池, 所以帶埋玩沙工具去, 俾佢開心暢玩~

最後的重點節目就係玩水! 朋友們睇相都話我咁勇, 咁凍天時俾佢哋玩水!

因為我對囝囡都係好鐘意玩水, 所以我諗住俾佢哋玩一陣, 如果太濕就換衫走人~

其實都係將啲水bud嚟bud去.....不過啲小朋友都覺得好好玩~

記往帶水桶~ 有工具好玩d~ 

哥哥玩得好wild.... 一陣間就濕哂喇.....除咗件面衫繼續玩....好彩當時都有d太陽, 唔算好寒~

妹妹就斯文好多~ 慢慢bud~ 

妹妹好開心~ 最後見佢哋越來越濕, 我就要迫佢哋換衫徹退.....

以後除咗去香港公園, 又多一個近近哋的公園可以玩沙玩長滑梯~ 真好~

不過HK唔同外國, HK人口密度勁高, 所有親子地方都迫爆人咁....真係再開多幾個公園都唔夠玩~ 但係有, 總好過冇~ 希望將來每區都整一個又大又多野玩的公園, 分散吓啲人, 咁就好喇!