神校篇

終於嚟到in男神校的日子~ 係寶品最喜歡的學校~ 主要原因係佢只參觀過此學校的open day, 所以經常口口聲聲提住, 話自己最鐘意哩間~

一如以往, 都係2公婆陪仔去in~ 準時去到, 排隊上山, 好快就登記完, 囝入咗去等考, 家長要離開學校~

要等接近2hrs....無無聊聊倆公婆行逛旺角~ 去咗食糖水~

乜依加啲糖水咁貴ga? @@" 細細一碗, 成碟飯既價錢......

食飽傾陣謁, 又行返去排長龍行上山接仔~ 

各人安靜地行上山~ 

見到阿囝出嚟喇~

同上次一樣, 出返嚟時啲恤衫走哂出喇.......=.=" 真係有啲擔心佢會唔會表現太癲~

如傳聞一樣, 係無乜直接問學術野~ 仔話只係睇電影, 玩玩具, 聽故事答問題, 同埋老師問咗佢1條問題........ 不過在玩玩具的過程中, 囝話佢向老師投訴有個小朋友唔肯分享.....我哋當唐灰哂! >.< 已經提過佢N次唔好同人爭, 面試時讓吓人, 但囝實戰時都係做唔到......我諗真係整定~ 本來都唔覺得N無人事+無特別才華會入到神校, 依加更加可以早D死咗條心~

另外老師有問囝最鐘意睇邊本書, 囝平時最鐘意solar system, 對啲星球特徵背到熟哂~ 但佢當時無詳細咁答老師點解鐘意哩本書, 佢話只係講咗一句: 因為書裡有好多星球~

我諗答得好過佢的一定大有人在~ 唯有同自己講, 無緣份~ 勉強無幸福啦~

雖然係令人有少少失望, 不過都唔怪得阿囝, 佢仲咁細, 而且佢都有付出, 有盡力~ 我知道如果最後入唔到, 囝自己都實會有d 唔開心~ 其實神校唔收係平常事, 無需要令大家咁唔開心吖? 我好快就睇開咗, 忘記咗今次既得失了~ 只要阿囝學精d, 下次面試時識得唔爭野, 咁就夠喇~

面試 - 第5間

上星期六, 去大圍面試~ 第5間喇~

說真的, 面試經驗多咗, 的確大人細路感覺都淡定咗無咁緊張~

今次面試玩足個幾鐘! 預咗有好多不同的考驗~

阿囝精神狀態都ok, 入去時好整齊, 出嚟時佢件恤衫飛哂出嚟, 我估佢應該玩得好放...... 

小朋友先到遊戲玩具區玩一陣再上班房面試~ 阿囝話玩咗糖黐豆, 跳舞, 拋豆袋, 七巧板, 聽英文故事, 然後排故事, 讀咗1句英文sentence......大致上係咁~ 

感覺上round1學術考得唔算深, 咁多集體遊戲似乎係想揀合群 + 性格好的小朋友~ 傳聞第2 round 先會問更深的學術題~

其實我哋2公婆都好鐘意哩間學校, 不過最近收到2個result都係第1round就止步! 確實打擊到我的信心~ 始終有得2nd in 係一份肯定, 而且如果連2nd in都無, 遲吓寫求位信求位都無咁易.....心裡面確實係有d擔心~ 依加不斷提醒自己要做定最壞打算!

另一方面睇, 其實我哋所報的全都是人氣高企的好學校~ 每間都有3000-5000人報名, 阿囝要做被選上的500個入2nd in, 談何容易呢? 加上每間學校都有不同的收生要求, 需要的特質亦各有不同, 無被選上的都唔代表小朋友唔叻, 只係一場matching 遊戲啫~ 如果特質唔夾又勉強入讀, 可能日後會造成更多唔適應~ 所以情願早d 講bye-bye, 好過他日發現係錯配而後悔吖~ ^.^"

所以其實簡單一句"唔match"就已經交待哂成個結果~ 家長真係唔需要為收reject而耿耿於懷~ 

好喜歡方皓玟哩首歌~ 好聽~ 歌詞寫中哂我最近的心聲~

#假使世界原來不像你預期

仍懷著一顆謙卑　來面對不安的天氣

風雨不會沒了期　終於會等到夢寐

全城在變遷　不減你是你#

在準備小一面試的路上, 我哋真係聽過好多次不同的面試講座~ 絶大部份都係比錢去聽, 目的都係想了解多啲面試所需要的準備功夫~ 其次係想 對症下藥, 睇吓點幫小朋友改善不足~ 上次本以為應該係今年最後一個講座~ 點知上星期又去聽多個~ ^^" 原因係我哋幾鐘意該位面試導師, 都想再聽吓佢對面試的見解(之前未聽過), 亦當係為妹妹做準備~
今次大囝用一年時間去train, 老實講我覺得真係太急太辛苦! 又面試班又考cert又學野又比賽, 一年內做哂咁多野忙到無哂自由.....下次輪到妹妹, 我情願早啲開始準備, 但節奏可以放慢d train得舒服d~

童夢城 + Doctor for a day

上年中秋陪寶品去過童夢城玩, 今年見又有團購喎~ 見中秋翌日唔駛學野, 就陪佢再去童夢城~

$330 包咗整杯麵+整月餅+2個自選職業~ 3hrs內完成, 感覺得幾充實, book好時間唔駛排隊亦幾方便~ 另加1位成人要$160, 所以叫鄧生唔駛嚟, 反正大人入到去都無咩做, 得個等字~

其實童夢城扮職業都hea hea哋, 係咁易做少少task就當完成~ 感覺好似主要係滿足啲家長, 係咁影相~ 同埋可以買返啲靚相~ 寶品話最鐘意整月餅, 又話啲奶皇月餅好好食~ 同埋下次想試做太空人喎~

臨走前梗係唔少得買相環節~ 好似$310/3張~ 我都買咗嚟留念~

回程滿足阿囝, 坐機場巴士~ 第2次坐, 都一樣咁開心~

一個星期後, 我哋又去咗港怡醫院玩"Doctor for a day"~
早前醫院攪咗個問答遊戲, 最快答啱問題的100人可以玩扮醫生, 我哋贏咗, 所以有一個位玩~

鄧生唔得閒, 我又單拖晨早陪仔搭的士出去黃竹坑~ 係好攰, 不過值得的, 因為醫院真係好有心思, 製作仔細認真, 一啲都唔馬虎~ 小朋友可以體驗到好多關於醫生既工作~ 唔駛錢之餘, 仲送咗一大袋禮物, 仲曬埋相俾你留念~ 真係好想可以再玩呀, 就算俾錢玩都唔介意呀~^^" (不過好似唔可以俾錢玩, 因為唔係長期有哩個活動)

婦產科照超聲波, 急救鏠針做手術, 心臟通波仔手術等等....一共6個環節~ 全部道具都好認真, 仲有好多工作人員協助, 講解又清晰, 真係學到唔少野ga~ 正過童夢城好多!

做媽咪既梗係成日幻想仔囡大咗會咩職業~ 我問仔想唔想做醫生, 佢話唔想, 因為佢想做工程師多d喎~ ^^" 將來既野仲有好多變數, 不過做人有夢想絶對係好事~ 希望阿仔努力, 將來可以做到自己喜歡既職業~ ^^

面試- SPB

9月尾去南區面試~ 星期六, 唔駛拎假非常好~

in 上晝, 因為真係唔熟南區的交通狀況, 又覺得真係好遠, 所以提早咗好多門口! call的士40mins車程就到咗學校門口~ 去到仲有1個鐘先到我哋! @.@ "成個鐘頭流流長....學校未夠鐘又唔俾入, 附近又好似無乜餐廳咁, 就唯有在公園坐住等吓先~ 反正好多準備面試的人都係在公園等~

帶咗盒故事咭, 又同佢排吓, 作最後衝刺, 反正無野做~ 阿囝之前一晚夜瞓, 打哂咸路.....我決定以後面試前一晚都要提早瞓覺, 因為眼瞓去in真係唔著數, 個腦都轉得無咁快la~ 不過我哋餘吓3次 1st interview 咋 >.<~ 機會無多~

夠鐘入到去, 小朋友好快就被安排去排格仔企住等上班房面試~

面試過程大概只有20mins, 好快in完!

出到嚟, 囝都係一貫鬆容, 唔覺得有咩壓力~ 佢話有看圖講故事(要作結局), 做簡單數學題(單雙數之類), 同埋佢讀咗中英文書比老師聽....問咗好多次有冇lego, 佢都話無, 但其他朋友之前一日in就話有lego~ 

點都好啦, 又完成一間面試~ 講真信心我就無乜, 叫做盡力試哂心儀的男校~

走時call唔到的士, 搭巴士落中環~ 囝好開心, 因為佢話第1之坐"新巴"~ 男仔有時就係咁容易滿足~ 

另一間黃竹坑神校我哋就無報~ 因為無論課程同埋位置, 都係唔適合我哋, 加上得好少位, 都係早啲放棄, 慳番啲精神時間做其他野好過~ ^^"

in 完去咗蘭芳園食個lunch先~ 之後鄧生要返工, 我就帶2兄妹去公園玩吓~

妹妹有得去公園玩好開心呀~ 為咗應付小一面試, 真係霸佔咗我哋好多時間~ 過埋10月, 應該會輕鬆好多(終於上哂面試班!), 到時會陪返妹妹多d, 重視返妹妹的發展~

過幾年後又輪到妹妹玩面試遊戲, 真心覺得好大壓力, 同埋競爭好大! 不過今年有咗經驗之後, 下次的準備功夫相信可以做得更好~ 最梗要夫妻想法一致, 目標清晰~

"我愛哥哥" +"我愛妹妹" 

哥哥今年高咗好多, 5歲半, size120的衫都好似短短哋, 開始有啲衫要著130~

本身淨係學游水, 平時無乜時間做其他運動~ 想佢手腳協調好啲, 活動多d, 所以報咗k pop班俾哥哥上~ 雖然教室好細, 又唔係好出名, 不過人少少我覺得對阿囝仲有利~ 佢學野係需要老師比多d 關注, 大班教學佢反而好易雲遊太空~ 因為老師唔得閒理佢~ 

暫時都學得開心, 佢又肯跳 , 所以繼續學吓先~