Thomas 填色比賽

寶品一向唔太鐘意填色畫畫, 但早前見有thomas 填色比賽, 獎品都幾豐富, 填完upload交畫又幾方便~ 於是膽粗粗試吓參加~ 當玩吓~ 反正佢咁鐘意Thomas~

其實唔算填得好靚, 不過都被選出拎到個獎喎~ 非常喜出望外! (媽媽我)

收到通知, 請睇thomas大電影的映影(2張票), 同埋去領獎~ 啱哂寶品! 非常開心~~~

首映派對9am在海運戲院舉行, 我哋星期日7點半就起身, 8點出發.....其實大家都仲好眼瞓....Zzzzz 尖沙咀街上仲好冷清~

去到見到好多人嚟領獎睇首映~ 都幾迫吓!

未入場前先換票~

拍照留念~

領獎的小朋友坐戲院前數排的位置, 睇得清楚又坐得舒適~ 

播影前進行頒獎~ 好多小朋友拎獎呀~

寶品拎咗"敏捷反應大獎".....唔明白點解改個咁既名, 完全同填色比賽無關......

好好彩, 獎品玩具係寶品未擁有的~ 無重複~ 我見哩盒野在反斗城賣緊$399~ 

仲有DVD 1隻, 同埋1張小火車換領劵俾小朋友去反斗城換禮物~ 

頒好哂獎後, 就睇戲喇~ 我對嚟講, 真係好悶吓....差啲瞓著....而寶品唔知係咪因為早起身, 今次睇戲好異常地安靜喎! 之前睇過數次戲, 佢都係比較嘈又會亂叫的小朋友~ 今次真係定咗好多! 不過佢都係無乜耐性, 最後半小時開始不停問我夠鐘未~ 即係套戲其實都唔係太吸引佢~ ^^"