結婚7週年

已經係上個月的事~ 不過都好多年無在blog記錄週年紀念日, 今年寫番blog, 又記錄吓啦~

Time's flying~ 咁就7年! 真係無試過同一個人一齊咁耐~ 相處日子耐咗, 其實一個人的真性情真個性係會走哂出嚟~ 佢有啲乜野優點、缺點、習慣, 慢慢就會睇得好清楚~ 生活上有分歧、有磨擦就在所難免~ 生埋小朋友後, 要討論的問題就更多, 我對鄧生的埋怨亦多咗~ 又覺得佢啲脾氣差, 可能好多人都係咁, 對住親人的EQ會特別低, 係咪因為覺得親人係一定會包容? 對朋友外人反而EQ無咁低? 我就絶對唔認同, 所以好多時都會撐到底, 唔接受壞脾氣~ 無論誰對誰錯, 都應該要尊重親人嘛~

要形容鄧生, 我會用比上不足, 比下有餘~ 雖然未至於係好好先生/爸爸, 不過說實話, 佢都有其他優點, 對家庭有責任心, 揹起哂成頭家, 同埋都有盡量滿足我種種要求~ 我想要想做的, 有時佢口裡說不, 但最後都配合我~ 雖然佢唔算係有情趣的人, 不過特別節日我哋都仲係會慶祝吓, 重視番個日子~ 身邊識得有啲老公係好識比驚喜tum老婆開心, 但亦有啲係乜都唔做, 飯都無特別食一餐的~ 不過做唔做門面野係無對錯之分, 好睇性格~ 只係覺得大部份女性都會希望另一半係會重視自己, 其實老婆開心, 真係會成個家庭都開心d ga~ 所以我覺得鄧生都唔算好hea, 但當然仲有進步空間la~

行到第7年, 我哋都無諗過7年之癢哩回事 (除非有而我不知~ 呃得到請呃足一世), 因為彼此都好信任對方~ 專一係婚姻關係中最基本應該要做到的事, 唔會因為你其他方面做得好, 對方就會接受到你唔專一~ 所以我覺得唔專一就等於玩完ga喇~



今年情人節收咗一束好靚的花~ 我唔會要求情人節一定要送花的, 但間中收花, 又真係會幾開心~ 不過今年食dinner真係等上菜等咗好耐....間餐廳整唔切, 令我哋覺得除咗貴, 仲要浪費咁多時間去等....今時唔同往日, 依加有囝等我哋門, 真係唔想食到太夜返屋企~ 所以下次情人節都係唔想正日食飯~

 一如以往, 結婚紀念日都會去買金花介子~ 今年第7隻~
咁啱見到有男仔女仔金介子都好得意, 湊成一個"好"字, 所以鄧生又買埋俾我~
咁多年嚟都係去六福, 上年身在澳門都仍然揀六福~ 可能買開就盡量唔想變, 而且每年都係同一日買介子, 哩個係鄧生的意思~


結婚紀念日當天我哋請咗假, 但係無特別節目, 仲落大雨tim~ 食個早餐, 就入迪士尼hea 吓~ (因為今年買咗金咭, 無聊搵地方去時又多一個選擇)

落雨濕濕, 當日主打搵公仔影吓相 + 悠閒購物~ 都無打算玩games~

好少可見到迪士尼樂園咁少人~ 

成日在fb 見人食哩個tea set~ 覺得好靚~

不過一試後, 覺得普普通通~ 應該唔會有下次~ 

 

哩杯士多啤梨飲品, 好重藥水味....真係要用難飲嚟形容.....

影完相就輪到我購物~

長路漫漫, 往後的日子繼續多多指教~ 

Thomas 填色比賽

寶品一向唔太鐘意填色畫畫, 但早前見有thomas 填色比賽, 獎品都幾豐富, 填完upload交畫又幾方便~ 於是膽粗粗試吓參加~ 當玩吓~ 反正佢咁鐘意Thomas~

其實唔算填得好靚, 不過都被選出拎到個獎喎~ 非常喜出望外! (媽媽我)

收到通知, 請睇thomas大電影的映影(2張票), 同埋去領獎~ 啱哂寶品! 非常開心~~~

首映派對9am在海運戲院舉行, 我哋星期日7點半就起身, 8點出發.....其實大家都仲好眼瞓....Zzzzz 尖沙咀街上仲好冷清~

去到見到好多人嚟領獎睇首映~ 都幾迫吓!

未入場前先換票~

拍照留念~

領獎的小朋友坐戲院前數排的位置, 睇得清楚又坐得舒適~ 

播影前進行頒獎~ 好多小朋友拎獎呀~

寶品拎咗"敏捷反應大獎".....唔明白點解改個咁既名, 完全同填色比賽無關......

好好彩, 獎品玩具係寶品未擁有的~ 無重複~ 我見哩盒野在反斗城賣緊$399~ 

仲有DVD 1隻, 同埋1張小火車換領劵俾小朋友去反斗城換禮物~ 

頒好哂獎後, 就睇戲喇~ 我對嚟講, 真係好悶吓....差啲瞓著....而寶品唔知係咪因為早起身, 今次睇戲好異常地安靜喎! 之前睇過數次戲, 佢都係比較嘈又會亂叫的小朋友~ 今次真係定咗好多! 不過佢都係無乜耐性, 最後半小時開始不停問我夠鐘未~ 即係套戲其實都唔係太吸引佢~ ^^"

聖誕開篷巴士遊

我哋一家都未坐過開蓬巴士, 之前睇朋友blog知道聖誕坐開蓬巴士係幾有氣氛幾開心的事~ 所以今年就試吓一齊去坐吓~ 寶品知道後期待咗幾日~

我哋坐goldspark hk的開蓬巴士, 團購價$58/位(大小同價)~ 

剛剛星期六只得12度, 晚上應該更加凍~~ 不過有得玩, 都唔記得個凍字點寫ga 喇~^^" 幫小朋友們著夠衫就ok~ 冷帽頸巾一定要戴, 因為真係堅大風, 唔好吹親個頭~

我哋坐9點車, 全程25mins~ 有一位導賞員負責導賞~

在尖東上車~ 我哋早咗半小時到達, 外面太凍, 所以入咗酒店坐吓等到夠鐘~ 

鄧生臨出門口先嚟胃痛, 頂唔住決定唔去坐巴士....浪費咗1張票! 真係可惜~

上車喇~ 睇吓寶品幾咁開心, 佢好興奮~ 相信在場大部份小朋友都同佢一樣咁high~

除咗睇靚靚燈飾, 途中仲會穿過2條幾秒鐘的小隧道~ 又快又大風, 有少少似坐過山車的感覺~ 大部人都好開心, 係咁叫~ ^^ 

好佩服導賞員可以唔駛戴帽吹足25mins.....真係頭都痛~

去到海旁, 會停低俾大家影吓相~ 夜景好靚~ 大家喪影影影~

寶品今次旅程仲識咗個靚女~ (坐前面的小妹妹) 佢哋2個雞啄唔斷, 好似相逢恨晚咁, 即係做哂朋友, 係咁吹水~ 哈哈, 佢真係識揀!~ (真係幾靚女ga^^") 

歡樂的時光過得特別快, 好快就坐完巴士之旅~ 出年一定會再坐!!

聖誕老人合照2017

今年聖誕又去太古廣場同聖誕老人影家庭照~ 

眨吓眼又到聖誕, 今年多咗妹妹一齊扮Elf~ 好可愛呀!

上面係商場影的, $110, 包一張打印相片連紙相架, 加一包糖果~ 全部soft copy都會email俾返客人, 仲包一段小短片~ 佢哋都只係用ipad影相, 唔係用咩專業相機~

下面哩張係我部華為P10plus影的, 其實我覺得啲色仲柔和仲靚呀~ 

回家開包糖嚟食, 幾好味喎~ 質素唔錯, 啲外形又靚~

聖誕老人就係在哩間小屋同人影相ga喇~ 今年係白色主題~ 白雪雪都幾靚~

我漏帶咗條belt....所以寶品個造型有啲美中不足~ 阿囝到依加都係叫佢著乜就著, 仍然肯著扮野衫~


近日天氣好凍, 不過難得影相都帶埋妹妹出嚟影全家幅留念~




睇返上年張相, 聖誕老人係同一個人嚟ga~ 上年的佈置豐富d又有氣氛d~
今年就cool d 清清地~ 期待明年又再嚟影過~

回程時去K11食咗個日式梳乎厘~ 又真係幾鬆軟幾好味喎~

YOHO MALL 冰雪世界

今年YOHO MALL 攪咗個冰雪世界~ 俾錢都無得入場, 一定要在商場消費再排隊換票先有玩~

住得近就方便在換票可以快人一步! 我哋趁第1日開始換票時, 晚上就全家總動員一齊去商場排隊換票! 因為每人只限換4張, 所以連寶品都要幫手換票先夠人頭換多幾張! (因為要幫朋友們換埋) 要佢陪我哋企咁耐, 都真係辛苦咗阿囝!

約埋表哥們, 一齊去玩雪喇~ 每節只有20mins, 其實好快玩完~

入場先穿上防滑鞋~ 

哩個係bb區, 未夠90cm的只可以留在bb區玩雪~ 係真雪嚟ga~

90cm 以上的, 個場大少少~ 不過都好迫人吓....

第1次玩真雪的寶品, 非常開心, 覺得好好玩~ 佢一向都好鐘意玩沙, bud雪其實都同bud沙差唔多~ ^^"

門口有個掟雪球game, 不過超難拎到獎品~

有2條雪滑梯~ 都幾斜吓, 所以好快! 3隻小魔怪玩完都被嚇親, 無人有勇氣再玩~ haha

不過其實我自己都驚, 無玩到~ 所以都唔怪得啲小朋友唔敢玩~ 

鄧生玩咗高果條滑梯, 排隊等5-10分鐘, 幾秒鐘就玩完~ 叫做體驗吓~ 都無乜時間再排多次lu~

另一晚, 仲有2張票剩, 我就同囝拍拖去玩多1次~

今次唔花時間排隊玩其他野, 齋玩足20mins bud雪~ 寶品好開心, 佢話好好玩~

我哋一齊整的一家四口~

 
 
 

之後幾個星期的schedule都排得密麻麻, 應該無時間再嚟玩 (換票時就要揀定場次), 加上排除換票都好多人好花時間~ 希望明年商場又會有哩啲活動玩啦~