Oxford Path X'mas Party~

沉日參加咗Oxford Path攪的X'mas Party~ 名為聖誕派對, 但實質去到除咗播咗d聖誕歌同埋講咗個聖誕故事外, 就唔係好覺有咩聖誕氣氛~ 無聖誕佈置, 連聖誕老人都無個~

今次個party在半島中心一個baby gym room舉行~ 家長可試玩現場的baby gym設施一陣~ 仲有d好高難度的無開放俾人玩~

對於寶品哩個9個幾月的bb, 其實可以話無一樣野啱佢玩咁濟!!

我事前係唔知道x'mas party係會玩哩d野ga! 最後我哋都係咁易參與吓, 俾佢摸吓扮吓野影幾張相~

吊環~

單桿~

你睇吓條友仔.....隨時放手反向後面!@@"....我真係唔敢放手比佢試呀!! 連離開個hip seat我都唔敢, 好驚佢跌落嚟我接佢唔住!

佢就企得爽爽的~ 好彩我仲後生, 都仲頂到一陣......=.="

 

一時唔少心線腳~ 佢個樣好好笑......hahaha

其實寶品全程都唔多enjoy玩體操~ 始終佢仲細, 跳彈床、走上走落果d都唔啱佢玩.....連彩虹布佢都無玩~

除非遲吓發覺阿囝體育方面真係好差, 不然我都唔會花錢報baby gym course~ 一來無諗住要佢學體操, 二來平衡力、跑跑跳跳哩d, 小朋友大大吓就會領悟到, 唔駛俾錢人去學掛?

  

 今次有2隻oxford path 教材裡面的主角公仔出嚟同大家影相~

寶品係咁望住karboo, 好似似曾相識咁喎~^^ 仲有隻大monkey cheeky~ 不過實在太多人排隊了......我哋懶, 無排到~ 希望將來有機會再影吧~  

整體嚟講我同鄧生都覺得今次party都幾悶吓! 只係講吓故事, 唱咗兩首歌仔, 無野食無野飲~ 正當我哋諗住明年唔再參與的時候...臨走竟然有張證書俾寶品喎!!~ oxford話淨係lable有紅點的小朋友先有, 咁啱寶品有喎! 不過鄧生話覺得邊有咁啱, 一定係佢哋預早已經分配好會邊d小朋友會有證書, 係內定喎~

 呵呵~ 寶品哥人生第1張證書啊~

其實張證書同佢的表現好似無乜關連~ 不過就寫到佢做得好好咁.....haha~

每個小朋友仲有一袋禮物包~

  

今次活動地點在尖東, 可以順便影吓燈飾~



大小姐又生日喇~

眨吓眼大小姐我又走到30歲哩個關口~ 代表自己已經不再女仔, 要用女人嚟形容~ 以前青春少艾時真係唔介意大大聲話俾人知自己幾多歲, 30歲過後就變得唔會太想刻意去提歲數~ 所以以後唔會再刻意講係幾多歲生日了, 大家自己數吧~ haha 依加我反而期待阿囝1歲生日的來臨~ 不經不覺我就快為人母親1年喇!

今年生日無乜特別節目~ 我揀咗去洲際high tea~ 之前聽過幾個blog 友讚中式high tea好味道, 所以我就去一試~ 果然好好味呀! 值得推介!  

雖然在場眼見好多客人都係選西式high tea set~ 不過我試過後, 還是覺得中式的啱我口味d~

另外要一讚酒店服務員的服務態度好好~ 食物嚟到自動波介紹各種點心糕點~ 不時會行埋嚟問吓我哋食物質素ok唔ok? 又會主動話幫我哋影合照~

好寸咀的口水肩! haha

寶品bb全程都好扭計呀~ 扭抱...喊....同埋尖叫! 真係失禮C人....=.="

我忘記帶餅餅, 於是去美心買咗袋排包~ 寶品like爆! 係咁追食, 餵遲一陣就尖叫...喊....=.="

食飽飽就去附近1881影吓相~ 好多人啊~ 仲好多賓賓.....佢哋乜都影一餐, 真係唔太想同佢哋迫! 同埋我覺得依加d工人都幾有錢, 好多都用新ipad 同埋新型號手機影相~

晚上同屋企人去流浮山食咗餐好貴的海鮮餐! 多謝阿爸~

小攸子今年識唱生日歌俾我聽了~ 唱得好攪笑, 甜C我~^^

公司同事送的生日蛋糕~

仲有鄧生買的~ 我指定要試hello kitty彩虹蛋糕~ 因為好靚, 同埋添近, 方便鄧生取餅~

估唔到美心的彩虹蛋糕進步咗! 多咗鮮果肉好味咗~ 如果可以再減d cream會更perfect!~

唔知阿囝明年識唱生日歌俾我聽未呢?^^

仲有我班好姐妺~ 今年去咗試K11的"大都烤鴨"~

湊住個仔唔得閒影食物~ 不過質素真係唔錯, 難怪咁難訂位~

只得一張食物相~ (係朋友影的)

朵花超靚呀~ 不得不讚吓廚師的心機同埋刀功! 白色的係酸蘿蔔~ 下面係磨菇同木耳~

又淘書!

唔好以為我好怪獸, 成日買書谷個仔睇書~ 今次淘的大多係玩樂性質的貼紙書和填色書~

上排左邊3本迪迪尼colouring book品質很好, 似係正貨~

燈~燈~~ 加埋3千個貼紙! 有排玩有排貼喇~^^

其實我都有擔心過, 寶品他日會唔會通屋亂咁貼貼紙.....不過事實上, 好多小朋友都好鐘意貼紙的~ 包括我自己細個時, 都非常愛貼紙~ 我認為一個快樂的童年, 係應該有貼紙享受貼貼的樂趣~ 唔想因為怕佢四圍貼難清理而剝削佢玩貼紙的機會~ 最多試吓俾d 心機教導佢, 貼在適當的地方囉~ 如果唔聽教的話, 就規定要我陪同先俾貼紙佢玩囉~^^"

依加d兒童圖書真係越出越多花款! 連3D書都有!! 要戴埋3D眼鏡嚟睇~ 感覺好有趣呀! 雖然唔知寶品對太空有冇興趣, 不過見唔算貴, 就買一本試吓la~

睇牙醫書~ 裡面有貼紙~ 有遊戲~ 同埋講解去睇牙醫既故事~ 題材有益又啱小朋友睇~

專心睇電視的小朋友!!

寶品真係好鐘意睇電視, 每次開電視佢都會目不轉睛咁望到實, 可能因為聲畫太吸引了~

因為睇過好多報導都話兒童多看電視會影響學習的專注力, 雖然未必係真, 不過我覺得成人劇集都對小朋友無乜益, 而且我相信睇電視係會沉迷同埋會變成一種習慣~ 為怕他人佢只愛有聲有畫的電視而把教材圖書打入冷宮.....我哋都係決定唔俾佢睇咁多~ 所以寶品平日係無得睇電視ga~ 我哋都有犧牲, 陪佢一齊唔睇~

不過有時去娘家, 或者有朋友嚟, 我哋都會照開電視, 唔想悶親D朋友~ 又或者有時有D節目我好想睇, 都會偷雞睇吓~ 所以寶品又未至於係零電視吓成長, 只係大部份時間唔睇, 唔想佢變成習慣啫~

有時真係好唔得閒理佢, 我就會播教材DVD俾佢睇, 佢好鐘意ga~ 睇到眼都唔眨! 不過我都盡量唔俾佢睇太長時間, 不然實好快近視~     

7...8...9個月喇!!

一直以嚟都無乜詳細記錄寶品的成長進度~ 主要都係因為我懶同埋無乜時間~ 今次又一次過放哂第7、8 and 9個月的蛋糕相~ 諗住切到1歲之後可能唔再每月1 cake喇~ 一來我哋次次都食唔哂, 二來切得太多可能寶品會覺得食生日蛋糕係平常事, 就無咁興奮ga喇~ 還是每年一次會令佢更期待and珍惜~

7個月~

8個月~

9個月~ 

真係越嚟越大個仔~ 長高拉長咗, 感覺無以前咁好肉哋了~ 不過由初生到現在佢都中碼bb, 唔算好肥又未至於瘦削~ 

8個半月時終於識爬~ 不過都係成日懶得爬, 要搵野引佢先有動力爬多幾吓~ 照推斷佢應該都會係遲識行的bb~

大肌肉發展唔算超卓, 不過小肌肉佢又ok ga wor! 食星星餅超快, 好細個已經識自己拎完放入口, 仲好少失手!

有一晚我在床上玩電話無留意到佢, 俾佢抆咗咁多紙巾出嚟!!@@" 快到吖! 忍唔住鬧咗佢一句: 你個衰仔!! (好阿媽的口吻~ haha)

Oxford path的英語教材我哋由寶品3個月開始用~ 用咗半年了~ oxford邀約我哋做1對1評估, 跟進bb的發展同埋學習進度~

寶品頭半個鐘都好乖乖的聽住導師講野, 又識比反應, 非常合作~ 之後就開始無耐性, 扭扭拎拎搵野玩~ 導師話佢都算幾好ga喇~

寶品勁鐘意去街街, 每次出街都好開心興奮~ 可能平日長困家中真係太悶了~ 當日我咩住佢搭西鐵, 來回都有人讓座比我哋~ 其實HK都仲有好多有功德心和愛心的人~

唔知係咪因為啱手形, 佢勁鐘意喳住條扶手, 捉實唔放~

近來寶品突然認人, 變得很黐身, 尤其黐我同埋我阿媽! 竟然愛我多過日對夜對的工人姐姐~ 黐身仔唔多肯俾其他人抱, 容易喊, 成日都扭我抱, 好彩都仲肯比鄧生抱, 不然真係黐住周身唔得閒~ 

正當我成日口不對心, 把口話佢煩, 其實心裡面好冧^^"......沉晚就發生咗"寶品嬲媽咪事件"!

話說沉晚寶品在玩裝奶粉的膠樽, 食得津津有味(佢乜都放入口咬ga), 我準備沖奶俾佢食, 所以就一手搶咗佢個樽, 佢立即超傷心咁爆喊! 因為佢喊係平常事, 所以我無理佢, 繼續開奶, 以為佢見到支奶就會無事~ 點知佢竟然連最愛的奶奶都唔要唔食@@"! 繼續聲嘶力竭咁喊, 仲好嬲咁推開我支奶, 我張開手話抱佢(平日佢最鐘意我抱的), 佢都推開我隻手唔要我......

於是我帶佢去佢平日最鐘意的地方-廁所~ 又帶佢去客廳玩, 諗住平伏佢心情, 可惜都係仍然聲淚俱下咁款.....睇得出佢真係好嬲我, 佢不斷掙扎唔要我抱, 真係勁傷我心! T.T.......

最後我唯有搵工人姐姐啦..... 佢過返姐姐手又無野喎, 仲肯食奶tim! 你個衰仔.....T.T.....

之後姐姐叫我去沖涼先, 佢湊住BB, 好彩沖完涼後, 寶品再次見返我又伸手要我抱~ 睇嚟佢已經忘記咗頭先件事!

事件令我覺得, 原來阿囝唔要我, 我係咁傷心! 既然佢始終都會長大,有毛有翼有自己世界, 不如我好好enjoy佢依加黐住我既moment la~~

"皮婚" @ Full House

又嚟到11月13日, 結婚咁就3週年喇!~ 今年同過往幾年最大的不同, 就係天陰有毛毛雨, 之前幾年都放晴大好天ga!

今年雖然我都有照請假, 不過鄧生有工事忙, 我哋無特別去邊度玩, 淨係食咗餐晚飯慶祝吓~

我唔太想食buffet, 因為每次都吃得很少....又唔想花太多錢去酒店食貴價晚餐~ 最後簡簡單單揀咗"Full House"食晩飯~

之前聽講果呢間餐廳的佈置係以wedding做主題, 所以就決定結婚紀念日嚟試吓!

位置在K-11對面~ 門口有架粉紅mini copper, 非常搶眼易認~

架車其實係甜品櫃來的~

門口有1家4口公仔~

一落樓梯, 就見到有大梳化同大公仔~ 好多人在此留影~

間餐廳開咗唔夠1年, 睇落都幾新淨, 坐位好鬆動~ 裡面聽講有結婚租衫同埋book影相等服務, 不過又唔覺有sales sell野喎~

新娘公仔~ 我都有同佢影合照~^^ 唔知點解,自從生完仔後, 覺得結婚好似已經係好耐之前既事咁....

充滿卡通的menu~

睇落佢似一間西餐聽, 其實佢係有得食星馬野的! 有喇沙...炒貴刁....海南雞等等.....感覺上好似同個場唔係好match! @@

哩度係無set叫, 全部分開點菜~ 而且價錢唔算經濟~

頭盤‧蟹餅~

頭盤‧大菇菇~

飲品都係單點~ 我係唔飲酒的, 所以又係點埋哂d 甜野~

主菜點咗牛柳同埋雞~ 2樣都唔錯~

我問佢有咩特色甜品, 佢話係心太軟......其實我覺得心太軟都幾無新意, 不過佢話好就即管試試la~ 最後出到嚟個賣相唔算靚, 不過唔太甜, 味道都唔錯~

例牌週年禮物 - 黃金戎子一隻~

每年鄧生都會到紀念日先買戎子, 因為想單據上的日子是11.13, 特別有意思~

同時亦見到幾年來的金價一路係咁....跌!

3年嚟同樣都係去六福買, 其實我好想揀花花款, 不過行咗幾間都無啱心水, 一係就同之前買的款式太相似...最後揀咗哩隻新款~

食飽飽我哋就去海港城取蛋糕!

今年我都係幫襯ms B~

海港城新店地方都幾大, 有好多張枱可以坐低歎cake~

今年我揀咗哩款靚靚蛋糕!!

拎返屋企同阿囝一齊切~

個蛋糕外型100分, 不過味道就甜咗d~ 除咗裡面有好多色彩縯紛的熊仔糖外, 連d cream都係用綿花糖打成的~ 成個蛋糕都充滿咗香香的糖果味!

不過太甜的蛋糕, 始終唔係我杯茶.....啱小朋友多d! 而且個蛋糕500g都要七百幾蚊, 好似唔係太值.....還是彩虹蛋糕最得我歡心!!

其實紀念日有禮物、有蛋糕、有鄧生、有阿囝我已經好滿足~ 當然如果阿囝可以一齊去食飯我會更開心la!~ 因為寶品現在很黐身又容易扭計, 所以鄧生成日都唔願意帶佢出去食飯, 話等佢大d先~ 但佢始終係我哋屋企既一份子嘛>.<, 雖然辛苦d, 我都會好想阿囝一齊參與, 一齊去街, 俾佢見多d 世面~~

現在每天上班前跟寶品say good-bye, 佢都會好唔捨得我咁, 扁咀唔開心, 想我帶埋佢出去~ 攪到我每日都唔捨得出門口, 會好掛住佢~~ 希望bb遲d可以早d 返學, 唔駛日日困在屋企咁慘慘la~