買書包

見好多群組的家長都講緊買書包哩個話題, 大家都比較緊不同牌子的護脊書包~ 所以我哋都開始睇吓~ 點知做research後已急不及待去睇實物了~ 

因為依加early bird 83折, 遲吓書展只會做9折~ 鄧生研究過, 覺得哩個牌子的書包護脊功能唔錯, 各樣function都幾貼心, 而且質量都有保證, 所以就試吓佢啦~ 

見有d外國牌子的書包要網上訂, hk沒有門市無得睇實物~ 但網上訂有時會平d~ 第1個屬於阿囝的小學書包, 我哋都係覺得試過上身, 佢喜歡先買會安心d~ 款式亦想留俾阿囝自己揀~

近近哋D park有門市, 放假就趁仲有83折, 帶仔去揀書包~

女仔款好靚呀! 但男仔款就.......我個人唔太喜歡啲pattern~ 不過用家鐘意就得, 同埋最緊要真係卸到啲重量, 揹起重野上嚟無咁辛苦~

雖然無囝喜歡的青綠色(全部都係黑黑藍藍色), 不過佢都9秒9就揀到心水款了~ 問咗佢幾次, 佢都話要揀哩款~ OK! 就買佢啦~

店員服務都幾好, 有用心講解又叫我哋影底啲圖返去睇返點樣調較點樣揹~

同埋仲有啲書枱書櫃賣~ 又係唔睇尤至可, 一睇就想入手!

一直都覺得需要放一張正經的書枱在客廳俾仔做功課用~ 最遲小一都要入手ga喇~

之前有上淘寶睇過, 價錢一定比hk平, 不過就要自己安裝, 同埋無得試~

咁啱見到有書枱, 又叫仔試吓坐吓, 再被店員sell吓, 就貪方便買咗喇~ 不過品質真係唔錯的, 安全安心, 而且第2日就免費送貨上門喇~ 

連埋書包, 入一入去就洗咗6K.....不過只要囝用得舒適, 對眼晴腰骨的健康影響減到最低, 我哋都覺得值得買~ 

鄧生自己想買張電競椅都遲遲未買, 但買櫈俾阿囝就幾分鐘已做決定買~ 仲要大家張櫈都一樣咁貴.....小朋友錢真係好好賺呢~ 

寶品6歲生日會

記得寶品1歲生日, 我哋幫佢在會所開過一次生日會~ 當時都邀請咗好多朋友嚟, 算係大攪ga喇~

攪過一次之後, 發覺真係收太多禮物, 而且親友們又太客氣封好多利是, 所以真係唔想每年都攪咁大壇野, 麻煩到自己, 又唔好意思要親友破費~ 之後幾年都係簡簡單單在婆婆屋企叫啲到會, 自己一家人慶祝就夠了~

1歲生日會

當年有玩抓周, 睇番video, 寶品係揀咗計數機~

不過暫時都唔覺佢特別有數學天份~ ^^"

今年6歲, K3了~ 又已經入到心儀小學, 我哋想送一個難忘D的生日會俾囝~ 就係請同學陪佢慶祝喇~ 知佢好想試吓請同學仔~ 就趁畢業前留個美好回憶啦~

今次揀咗去pizza express攪生日會~ 好大原因係貪位置方便, 人人都識去~ 會所開生日會有時無證出入都幾麻煩~

package包咗少少佈置, 我自己準備咗啲回禮小禮物~ 都懶得另外再加佈置了~

Marvels 24色水筆~ 都係淘返嚟, 小小心意啦~ ^^

因為商場唔俾擺放充氣彈床, 所以都無得為小朋友準備娛樂設施, 只可在戶外位置四圍跑吓咋~

等齊人, 可以開始喇!

total 22個小朋友, 都勉強夠位企, 再多d就會好迫~

小朋友最開心就係拍打麵團的一part~ 幾過癮~

我好hea, 帶咗相機去, 但都懶得拎出嚟影, 貪方便用電話影相咋~ 

不過因為有日光, 電話都影得幾靚~^^

影完一堆靚相~ 就可以排隊交比工作人員放入爐喇~

因為pizza express的切餅費都幾貴, 而同事又話佢個朱古力蛋糕好正, 所以我就索性訂店內的生日蛋糕, 唔駛加切餅費, 又唔駛自己拎嚟拎去~ 當初同經理傾, 佢話3磅蛋糕應該夠食~ 結果個蛋糕唔算好大, 而嚟既客人又多, 所以唔夠分~ 我就後悔無叫多一個其他款的蛋糕~ 應該要2個先夠食呀~

第1次做主角, 被咁多人圍住唱生日歌, 我知道囝係好開心~

我請咗個魔術師姐姐嚟表演魔術+玩遊戲~

不過最後因為唔夠時間, 所以無玩遊戲~

似乎年紀細的小朋友唔係太識欣賞魔術, 好多都無乜心機睇, 走咗出去玩~

反而係啲讀小學的大仔大女鐘意睇, 睇到尾~

個生日蛋糕分到好細件....^^"

不過仔話好肚餓, 好好味, 食咗2件~

最後分Pizza~ 

  

仔食咗2件, 佢話好味喎~

臨走前可以拎埋佈置的氣球~

唔知點解囝好鐘意個綠色波, 但就到家門前, 個結鬆咗, 氣球飛走咗!

囝好傷心, 話要返去pizza express 拎過, 但我話散咗band, 乜都無哂ga喇~

佢就趴咗上床流眼淚~

無辦法la~ 試過失去, 下次先會學識小心d保管~

生日會過後, 囝真係完全無問過自己收到咩禮物or利是~ 因為佢真係無乜經驗係會收到好多禮物~ 所以都無在意哩方面~ 都係好事呀! 我就係唔想佢覺得生日係老鳯收好多禮~

今次叫咗同學家長們唔好送玩具, 情願幫囝做善事, 以佢名義捐一次錢~ 幫到人之餘, 又唔會造成浪費~ 其實好多時生日禮物啲玩具可能會重複或者唔啱玩, 變相浪費咗送禮者的心意同金錢~ 不過我諗諗吓其實可以抽少少錢出嚟買個書包俾佢小學用, 咁都幾有意義又實用吖? 餘數就捐返比學校~   

我們的情人節

又到咗一年一度的情人節喇~

今年已經係我同鄧生一齊渡過的第11個情人節! 上星期有朋友問起我, 我仲答10年, 數真D,原來係第11個~

感恩今年仍然收到鄧生送的花~ 

今年的款式非常清雅脫俗~ 好多朋友用"堅靚"嚟形容, 問我點解鄧生咁好taste~ ^^

一齊經歷過咁多個情人節, 真係好多慶祝方式都試過~ 

以前後生D, 尤其係未生仔時, 戀愛大過天, 真係會幾重視點樣歡渡情人節~ 自己都會整吓朱古力, 買份禮物仔送俾對方~ 因為有的是時間~ 有時間就自然會放多d心機去慶祝情人節~ 

仲記得第1次同鄧生過情人節, 佢買咗花, 頸鏈, 同我去黃金海岸酒店食dinner buffet~ 當時大家拍拖無耐, 好鬼開心甜蜜~ 依加睇番d相覺得好leung~ 但就係一齊慶祝過, 今日先會有回憶可以回味~ 所以有啲野係一定要做吓經歷吓~ 但10年過後, 經歷多咗, 一齊生活耐咗, 我都變得唔介意無燭光晚餐or 特別的慶祝活動~ 有當然好, 浪漫哩樣野女人永遠唔會嫌多~ 但現實角度諗, 都願意幫老公慳吓錢, 無謂當晚去食double價錢的晚餐~ 有花收已經好開心~ 

而鄧生, 我估依加佢收到我自己整的朱古力, 個反應可能係....不如直接買盒好食的朱古力, 唔好整喇~ haha

而且結咗婚後, 係會覺得結婚紀念日重要過情人節的~ 不如好好慶祝大家的紀念日仲實際~

又摷返啲舊相, 2009年第1個情人節~

10年前, 無論相片解像度, 同埋束花既質素....都同依加相差好遠!! hahaha

 所以揀一間有品味有style的花店, 都幾重要~^^"

睇返真係好好笑~

 我記得鄧生話, 佢問好朋友邊度訂花, 然後跟埋一齊去訂~ 

當晚酒店仲每枱情侶即影一張相, 然後print出嚟貼上紅酒上送返俾你~ 

原來我們也一起經歷過咁老土的事! haha

遺憾在支酒已經唔知去咗邊~ 我記得我哋無開嚟飲, 應該係俾鄧生帶咗返佢屋企收藏~ 之後無咗蹤影lu~ 

之後的10個情人節, 我都收過好多次花, 有時會有禮物, 試過去旅行時慶祝, 試過病咗無慶祝~ 但係要搵返哂啲相就有難度, 同埋要D時間~

其中一年我好喜歡的, 就係哩束Hello Kitty 花~ 好特別好靚! 超鐘意~

記得當年婚後未生囝, 我哋仲可以悠悠閒請半日假去酒店high tea慶祝情人節~ 幾咁寫意~ 

回家仲食蛋糕同整情人節佈置, 勁多花臣~

陀住妹妹的一年, 鄧生都好好, 有花有禮物有dinner~

束花勁靚! 我就殘咗好多>.< 記得當時我每日都疲累到爆~

上年病咗無影相, 今年我都同束花影張相留個念~

束花好貴, 真係多謝鄧生~

今年決定唔出去食飯, 自己在家煮, 同埋囝囡一齊過~

其實自從寶品出世後, 請咗工人我就好少下廚了~

今次放工後趕去一田買牛扒同調味料, 然後回家親自下廚~ 當然工人都有幫拖既~^^"

一係唔攪, 一攪就整靚少少~ 對仔囡好開心呀, 覺得當晚同平時食飯係唔同~

黃色果幾杯係cream soda~ 我係唔飲酒的, 但做個樣, 同阿囝扮浪漫~ haha

一個完美的情人節晚餐, 應該要有個餐牌先似樣~

ikea相架~ 自己print~ 菜式名我有抄巧海皇粥店~ 

"天長地久煎牛牛" 係我作既! haha

其實只要有似樣d既食材, 要煮一個似樣啲的情人節晚餐, 都唔係咁難~ ^^

新年去林村

每逢農曆新年, 都會想去林村湊吓熱鬧~

雖然林村內都唔算好多野玩, 商業味都幾濃~ 不過叫做幾熱鬧又有啲新年氣氛, 似係過年~ 反正我哋都無乜特別節目, 咪過去拋吓桔, 許個願~ 

今年初三許願樹有部份被拉lum咗, 之後就被圍住咗~ 一來唔靚, 二來要執返跌落嚟的桔就無咁方便~ 

相片來自朋友FB

不過我哋係年初二去林村, 所以當日許願樹仲係正常樣的~

寶品都有幾年無嚟林村, 因為之前幾年佢都有節目, 所以佢對許願樹無乜印象~

全靠FB keep起啲相, 不然真係幾難一次過搵番哂啲舊相出嚟~

又回顧吓過往去林村的相片~

2011年~ 第1年以人妻的身份過年~ 當時已經轉咗用膠桔膠樹~

2014年~ 寶品加入~

2016年~ 寶品當時3歲, 但佢依加都無哂記憶自己係去過林村~

2017年, 我陀住妹妹, 同朋友們一齊去林村~

2018年, 妹妹加入~ 

2019年, 今日終於齊人~ 一家四口一齊去林村~

今年天氣好熱, 熱到我哋要著短袖衫!

哥哥今年識寫字, 就叫佢自己寫願望~

點知佢連自己個名都寫錯......真係激到我彈彈吓! >.<

當然要俾哥哥自己試吓拋, 感受吓體驗吓~

拋咗一輪之後, 都未成功~ 就交俾daddy 幫佢拋上去~

之後再寫埋心心許願牌~ (泊車送的)

一齊掛上去~

之後就襯吓熱鬧, 去買啲小食同埋飲品~

價錢一定貴ga喇, 但新年嘛~ 開心就得~

太熱, 上車食啲野, 休息一陣, 又去影吓花車~

有巴士影tim~

好曬好熱呀!! 因為當時係中午時份~ 

都唔影咁耐了, 係咁易影吓就閃~

妹妹飲冰水

之後就喳車去科學園飲茶~ 無乜人, 完全唔駛等位~

我都係第1次嚟科學園~

玩咗成日, 最後初二晚上仲要去婆婆家拜年食飯~

妹妹換咗條花花裙, 真係人比花嬌~ ^3^~