”啟動孩子解難力工作坊”~

好多人會叫2歲的階段做terrible 2~  點解踏入此階段會咁惡攪ga呢? 主要的原因係因為小朋友已經唔再係bb~ 佢哋 開始有表達能力,  有情緒, 懂得選擇, 懂得反抗…..但卻未識分好壞對錯, 往往做出好多令父母激氣的事, 所以就有terrible 2, terrible 3的出現……

面對自己快將3歲的囝囝, 我當然亦跟其他朋友家長們一樣, 面對住好多管教問題和挑戰啦!

平日在facebook我都like咗唔少有關育兒資訊的page,  經常會睇到好多有關教育和管教小朋友的文章或專柵~ 覺得有道理的, 切身的, 我都會用心睇吓, 提醒吓自己應該點樣教囝, 點樣為佢揀學校等等…..

有一日, 突然收到blog友仔的邀請, 一齊去參與James (葉偉麟先生) 的 ”啟動孩子解難力工作坊”~

睇完個talk的內容後, 我立即決定請半日假去聽! 因為 好多內容都正正係我面對緊的問題, 好想去聽吓治療師的專業意見和解決方法~  而且最重要係有直接向治療師提問問題的機會!  這些機會很難得, 相比起齋睇專柵文章更幫到我!

內容包括:

Day 1: 

* 管教孩子短期及長期目標

* 為什麼命令, 說教, 威脅, 懲罰起不了作用?

* 充滿同理心的回應 Empathtic response, 連接情緒技巧 connection of emotion 技巧

* 確認孩子正在表達什麼情緒

* 大腦前額葉皮質 Prefrontal cortex 以及杏仁核 amygdala 對孩子造成的影響

* 如何快速令孩子冷靜下來原理及技巧

* 如何站在孩子角度看世界

* 孩子尋求主力行為 attention seeking behaviour

* 管教的迷思: 嬰兒哭泣不要理會,他們才會獨立?

* 嬰兒經常在母親身邊,就變得依賴別人?

* 不要哄孩子睡覺,讓他們自己哭泣直至疲倦入睡?

* 什麼叫做安全依附關係 secure attachment? 如何建立?

* 如何培養孩子擁有高EQ?

* 如何分辨孩子的慾望與及需要?

* 我們的記憶以及潛意識如何影響着我們?

* 給孩子空間表達情緒的重要性

* 正確處理孩子負面情緒的四大技巧:

* 察覺自我情緒, 反映孩子的情緒, 聆聽及接受, 反映孩子的思想行為動機

Day2

* 真實個案練習, 現場示範及正確處理孩子負面情緒技巧

* 是孩子合作的三大說話技巧

* 自我應驗預言

* 懲罰的壞影響

* 代替懲罰的四大技巧

* 兒童發展階段,應該如何培養兒童讓他們主動?獨立?有目標?信任別人?

* 讚賞孩子的技巧

* 腦部的可塑性

* 象徵遊戲治療是情緒受困孩子唯一出路, 為何會成功?

1> 孩子的辭彙有限, 玩具是他們的詞語, 玩耍的過程就是他們要表達的句子

他們會將現實生活上遇到的困難,例如欺凌,家庭關係破裂,憤怒等等透過具有象徵意義的遊戲過程, 完全表達出來

2>孩子的腦部就會重新重整一次,從而充分掌握情緒以及行為控制.

很多患有過度活躍, 自卑, 甚至自閉的孩子,透過15節左右治療, 康復過程就取得重大進展


 

講座內容真係好切身, 聽完後都有好多反思, 覺得自己有好多地方需要改進!

James 話, 如果在小朋友12歲前未能培養出良好的親子關系, 咁父母可能會永遠失去佢哋既囝囡~  意思係, 當小朋友踏入青春期或以後, 就更難重新培養感情和建立信任~ 自己的囝囡乜都唔敢/唔想話你知, 沒有心底話, 沒有關愛, 更差的可能對父母帶有抱怨憎恨….. 得不到囝囡的重視和信任, 就如同失去咗佢哋囉…….

我覺得都講得啱, 學業成績都係其次, 同囝囡的親密關系先係一世ga~ 而且唔係必然的~  所以真係好想在囝囝仍然依賴我的這些年, 好好建立良好的關系~  我都唔想做虎媽, 更加唔想經常做瘋婦去鬧仔!

今次其中一項我學到的, 就係當遇到孩子犯錯, 做父母的首先要管理好自己的情緒, 然後嘗試找出小朋友犯錯背後的原因, 了解小朋友的感受, 再加以講道理~  係好難ga!! 不過我會試吓!! 因為我都知道懲罰未必係最好的方法, 而且負面情緒可能會帶來其他壞影響~  多d提醒自己, 小朋友係一定會犯錯的, 其實有時佢哋所犯的錯, 都唔係大件事, 冷靜落嚟去諗吓, 真係有必要咁惡鬧佢嗎?

講到教仔, 話題真係多到講唔完, 正確的處理方法, 專業的意見, 還是由專業人士去探討和講解比較好~

另外, James係兒童行為情緒治療師,如有朋友發覺或懷疑小朋友患有過度活躍症, 自閉症或語言遲緩等問題, 都可以搵佢哋做諮詢、評估, 對症下藥去解決小朋友在成長路上遇上的問題~ 希望幫到有需要的家長~

 

課程資料: 兩日  <啟動孩子解難力>工作坊, 3hr +3hr $2500

網頁資料: http://www.childtherapycentre.com/




Facebook 專頁資料：葉偉麟兒童行為情緒治療師








如果有需要, 可以電郵, Facebook In box message , 或者請致電他們診所3184 0888 留下姓名和電話, 兒童行為治療師會提供15分鐘免費諮詢服務, 進一步了解孩子和家長正在面對的問題, 然後對症下藥, 安排最合適的方法提供協助。


最近佢哋facebook有講座其中一節精選節錄, 講述有關小朋友唔願意做功課的問題~ 有興趣的家長可以入去睇吓吖~ 可能會幫到你哋~


另外介紹埋James的新書 :  <父母一句話,啟動孩子解難力>
已被南華早報 SCMP 評選為2016年最新親子好書龍虎榜第一位
http://www.educationpost.com.hk/zh-hk/resources/parents-guide/160108-editors-pick-new-parenting-releases http://www.cp1897.com.hk/product_info.php?BookId=9789888292929



在2012年，我們出席了美國心理學學術會議，認識了多位在美國享負盛名的精神科或心理學教授，Daniel Siegel 就是其中一位佼佼者。他把最新科研應用到育兒技巧上，成效顯著，深受美國家長推祟。我們深感此方法應該加以推廣及普及化。因此花了兩年的時間把我們的經驗和知識結集成書。希望把這種具有前瞻性的育兒方法帶給香港的家長！此書將會在2016年1月份商務書店及其他各大書店有售！

 
2016年1月6日, 接受香港電台第五台節目<有你同行>現場直播訪問,關於如何有效解決孩子情緒及行為問題, 節目重溫
http://programme.rthk.hk/channel/radio/player_popup.php?pid=5183&eid=339037&d=2016-01-06&player=mp3&type=archive&channel=radio5