我的寶品豬已經1歲喇!!~

因為已經在農曆生日攪咗生日會, 所以新曆生日就無特登慶祝, 只係買咗蛋糕同表哥仔們一齊食, 開心吓~

祝寶品快高長大~ 身體健康!~

3老表~

小攸子好鐘意個minnie蛋糕~ 不過味道真係幾差吓......

講吓寶品第1個生日會既籌備先!~

雖然寶品一定未知道生日既意義, 攪生日會真係為滿足媽媽~ 希望有個美好既回憶~ 話哂係第1個囝囡既第1個1歲, 係大日子, 唔攪都怕自己將來後悔~

決定咗攪生日會後, 我都花咗唔少心思同時間去諗有咩要準備! 一係唔攪, 有心攪就要攪得好好睇睇, 話哂嚟得既都係親戚同老友記, 絶對唔想太求奇~ 上網見依加d小朋友攪生日會係會請party姐姐/小丑嚟扭波, 又有跳彈床同波波池, 電動車等等乜都有~ 不過寶品同佢d朋友仔都仲好細, 好多野都未識玩, 所以我唔考慮啦~ 要花錢租, 用完又要交還~ 而且慣咗攪得咁大陣象, 就要年年都係咁, 不然小朋友懂事後可能會失望....所以真係要好好諗清楚~

1歲生日會, 計過大人細路加埋around 40人, 屋企一定唔夠空間唔夠櫈坐, 所以我決定book會所的party room~

生日會banner佈置不可少~ 搵咗擅長設計banner的妹夫幫手~

佢幫我設計完拎去印埋送俾寶品~ very good!~

氣球方面, 今次無淘寶, 直接買包輕氣的~ 因為自己泵都幾花時間又有點麻煩, 所以我情願多花少少錢, 雖然唔包送貨, 不過在元朗取都方便我哋~

另外訂咗12隻走路動物送俾出席的小朋友們~

玩樂方面呢, 就自己帶咗滑梯同埋玩具屋仔去~

無帶波波池去, 因為單係即場砌屋仔已經花咗好多時間, 應該無時間再泵波波池了~ 

生日帽同埋回禮小禮物~

食物方面呢, 我哋join會所的package, 由會所供應食物, 會用啲熱爐暖住d熟食, 咁樣就算有賓客遲嚟, d食物都唔會凍冰冰唔好食~ 

味道就普普通通啦~ 預咗唔會樣樣都好味, 不過會所乜都攪掂擺好哂, 完全唔駛操心, 的確係幾輕鬆~

package仲包咗汽水30罐~ 不過冬天基本上無乜人鐘意飲, 所以我哋自己準備大量紙包飲品~

另外訂咗隻季季紅生日豬~ 全隻清哂~ 估計應該都好味掛? 其實我全日都無乜食過野, 抱住個仔完全無時間食野~

隻豬裡面包住d炒飯的~ 未cut開前, 好似好瘦咁~

生日會最重要的梗係生日蛋糕!~

5磅的迷你兵3D蛋糕from金蘋果餅店~ 可惜攝影師朋友竟然一張蛋糕的close up相都無影到....我又無用手機影低....太可惜喇~~ >.< 都係回憶既一部份嚟ga ma~

回禮小禮物方面呢, 就準備咗果汁零食同埋太陽眼鏡~ 希望每位小朋友都開心啦~

講住咁多先, 再update 生日會啲相~