照顧寶品的工人姐姐, 因為身體太不適,唔可以繼續工作落去, 最後決定返印尼了~
記得起初我係超級想請工人, 因為好唔想住多一個人唔熟識既人在家裡, 又擔心佢會偷野或對BB唔好, 好多唔好既幻想!!(我份人就係咁, 永遠諗定最衰的情況) 不過經過10個月既相處, 我慢慢已經習慣咗工人既存在, 而且佢好錫寶品, 家務方面亦好自動自覺, 打理得幾乾淨企理~ 邊D玩具少咗唔見咗佢都好清楚~
雖然有時我會唔鐘意佢同我爭抱BB, 或者有時我整親BB佢會好似怪我咁既語氣.....不過整體嚟講, 我覺得佢都係一個好姐姐, 唔貪心又幾勤力, 已經非常難得~
姐姐同我哋道別時, 抱住寶品喊住話佢一定會好掛住BB, 感覺到佢真係好唔捨得寶品, 此時此刻成個氣氛真係好傷感, 我都忍唔住喊咗出嚟! T.T 原來要離別既感覺得咁唔開心! 一諗起可能以後一世都唔會再相見, 我個心就好心up.....好不捨..... 衷心希望姐姐返去快快醫好病痛, 他日有機會再來為我們打工! 雖然我知應該會係好多年後既事.....我哋依加keep住what app聯絡, 可以知道姐姐近況如何~
至於寶品, 因為仲細, 完全唔知我哋喊乜! 亦因為佢未識講野, 所以講唔到比我知佢掛住姐姐~ 不過姐姐係每日陪伴寶品最長時間的人, 我相信寶品心裡絶對有掛住姐姐, 只係未識講野未懂表達......
新姐姐已經嚟咗個幾星期, 我個人仲未好適應到新人, 更何況寶品?
不過我知慢慢會習慣~ 而且今次送走舊工人再請新人已經花費咗唔少錢! 當然希望新姐姐可以做到完約la.....
我嫲嫲既工人姐姐返了印尼四年，我地都有keep 住联络！
回覆刪除希望你地和新工人姐姐都快d適应！
我個工人姐姐明年都合约约滿，希望她续约拉！
我同你請姐姐既時間差唔多, 又係好好感情既..好明白你既心情, 而且姐姐又對寶品好, 所以你更加唔捨得佢la,
回覆刪除真係好希望你新姐姐聽聽話話, 對寶品好, 同埋祝福你之前個姐姐身體健康, 早日可以返黎打返你份工~
我都將會面對你同一情況, 姐姐9月完約就走啦~
回覆刪除依家搵緊新工人~ 到時我諗都會好唔捨得, 因為BB又係好痴姐姐架~
我睇到都眼濕濕呀，因為依家要請個好姐姐真係唔容易！我感恩我姐姐都幾好，希望你個新姐姐都係好好，好錫寶品！
回覆刪除而家真係好難得先搵到好工人架!!
回覆刪除我地個姐姐, 黎緊要返印尼, 湊左芯芯都有四年, 而且細佬都係佢湊大, 都驚兩寶貝唔捨得呀!!
搵個好姐姐真係好難,我姐姐都OK,不過有時做嘢都係馬虎D
回覆刪除但睇得出好錫阿仔,同埋同佢講有咩做錯,佢都會做返好,都真係算係咁喇~
希望你新姐姐好好啦!
依家請個工人又擔心依樣擔心o個樣, 難得請個好的又身體不適, 實在唔容易!
回覆刪除