6月尾, 完成咗第1間小學面試 - 音小~
雖然好多人當佢係水泡學校, 但我哋覺得音小其實唔差, 都有好多可取之處~ 有時未必一定要入神校先叫好, 就算係名校, 我都覺得係有利有弊~ 最梗要係衡量吓學校課程適唔適合自己的小朋友, 因為每個小朋友的興趣唔同, 抗壓能力亦都不同~ 父母今天的選擇, 對小朋友影響可以好深遠~ 所以有質素的happy school, 我哋都會考慮, 因為始終覺得happy未必一定唔好, 有中學backup就得~
因為我哋算遲交表, 所以好後先in, 仲要係in 5pm 哩啲趕住收工的時間~ 不過身邊好多朋友都in 哂, 我遲in 就可以收風攞料~ haha~ 雖然唔會直接知道in乜野題目, 但可以話定俾仔知大概會有乜野環節, 等佢有個心理準備都好~
好早已經話咗俾寶品知佢當日要面試, 對於未試過面試既佢, 第1次去到都有少少緊張, 而我係情願佢緊張好過放鬆~ 因為自己知個囝一鬆呢, 就真係會顧住玩唔認真~ 而我自己都有少少緊張ga, 始終都擔心自己答得唔好會影響到取錄結果~
搭的士半小時車程就到咗音小~ 等候時撞到朋友仔~ 佢哋即刻興奮起嚟! 寶品仲跑咗一陣, 即刻俾我哋丙! 一來天氣已經夠熱, 跑一跑就成頭大汗~ 二來面試前真係不宜玩得興奮!
定落嚟後, 就入去等面試lu~ 面試全程大概半小時, 家長and小朋友都會同一日in哂~ 小朋友分成十幾人一組, 搭膊頭跟老師入課室面試~ 寶品話有打拍子, 聽動物聲音, 看圖講故事, 認字, 砌砌圖, 同埋唱歌~ 佢話佢自己識哂, 不過佢一向都話自己識哂的, 我估計佢係答哂, 但係咪啱哂就未必喇~ 而家長方面, 只係問咗2條問題 : 1. 點解揀音小? 2. 期望子女成為一個點樣既人?
哩啲都係啲直接正路的題目, 我同鄧生都答得幾流暢, 同埋非常積極發表己見~ 起碼答完自己唔會覺得連累咗個仔, 表現絶對合格, 從老師的表情和回應, 感覺老師都滿意我哋既答案~
in完之後輕鬆哂~ 好想快啲知結果~
學校裡有多部汽水機, 獎勵阿囝, 就任佢揀一種飲品~
佢當然係揀佢既摯愛....可樂! 話明任佢揀, 所以尤得佢la~
晚上同屋企人食飯~ 喳車入咗洪水橋"金龍雅苑"食晚飯~ 啲食物全部大大碟, 食剩好多野呀!
我買咗個D24榴槤千層蛋糕, 點知超難食! >.< 又俾屋企人笑我揀親啲蛋糕都奇怪又難食....haha
